| e-texts navigator |
| Wylie |
128a1 རྡོ་རྗེ་གསང་བ་ཆེན་པོའི་སྐུ་རིན་པོ་ཆེ་དབྱིག་གི་སྒྲོལ་མ་བཞུགས་སོ།། @##།། རྒྱ་གར་སྐད་དུ། བཛྲ་གུ་ཧྱ་མ་ཧ་ཀཱ་ཡ་རད་རྣ་བྷ་ལེ་ཨ་ཀྲ་མ་སྱཱ་ཏུ། བོད་སྐད་དུ། རྡོ་རྗེ་གསང་བ་ཆེན་པོའི་སྐུ
128a2 རིན་པོ་ཆེ་དབྱིག་གི་སྒྲོན་མ་ཤེས་རབ་ཆེན་པོའི་མདོ།། རང་བྱུང་རིག་པའི་རྒྱལ་པོ་ལ་ཕྱག་འཚལ་ལོ།། འདས་པའི་དུས་མ་བྱོན་པའི་སྔོན་རོལ་དུ།། སེམས་ཉིད་ཀུན་ཏུ་བཟང་པོ་ཡེ་ཤེས་ཀྱི་སྣང་བ་ལ་བཞུགས་པའི་དུས་ན།། ཀུན་བཞི་གསང
128a3 བ་དག་པའི་དབྱིངས་ནས།། རང་ཤེས་རིག་གི་རྒྱལ་པོ་རྡོ་རྗེ་ཀུན་ཏུ་བཟང་པོ་ཉིད་ལ་ཉིད་བཀའ་སྩལ་པ།། བྱམས་པ་ཆེན་པོ་ཐུགས་ཀྱི་གཏེར།། ལས་ཀྱི་དབང་པོ་ལྔ་ལ་ལུང་བསྟན་ཏོ།། མན་ངག་གི་འཇུག་རྡོ་རྗེ་སེམས་དཔའ་ཉིད
128a4 ཀྱིས་བསྡུས་ཏེ་ལག་ན་རྡོ་རྗེ་ལ་གཏད་དོ།། རྡོ་རྗེ་སེམས་དཔའ་སངས་རྒྱས་ཀྱི་སྐད་རང་འགྱུར་དུ་བཤད་པ།། སེང་གེ་འཁྱིལ་པའི་དགོངས་པ་འདི་ལ།། ཐབས་ཁྱད་པར་ཅན་གསུམ་གྱིས་སྒྲུབ་པར་བསྟན་ཏེ།། ཕྱི་མཚན
128a5 མ་ལ་བརྟེན་ནས་སྒྲུབ་པ་དང་།། ནང་ཡེ་ཤེས་ཀྱི་དཀྱིལ་འཁོར་ལ་བརྟེན་ནས་སྒྲུབ་པ་དང་།། གསང་བ་བྱང་ཆུབ་སེམས་དངོས་སུ་སྒྲུབ་པའོ།། ཕྱི་མཚན་མ་ལ་རྟེན་པ་ལ་གཉིས་ཏེ།། བག་ཆགས་ཀྱི་སྐུ་ལུས་ཡེ་ཤེས་ཀྱི་ལུས་ལ་འཇུག་པ་དང་།
128a6 ལམ་འབྲས་བུ་དང་བཅས་པ་ལ་འཇུག་པ་ལ་སྒྲུབ་པ་དང་རྒྱུ་ལུས་ཡེ་ཤེས་ཀྱི་ལུས་ལ་འཇུག་པ་ལ།། ངོ་སྤྲད་བཞི་ནས་ཆོས་ཉིད་པར་དོའི་ལུས་ད་ལྟར་དངོས་སུ་བསྟན་ཡང་།། དེ་ཉིད་ལ་གོམས་པར་བྱ་སྟེ། ལམ་དང་འབྲས་བུ་དང་བཅས
iiif viewer powered by OpenSeadragon
