| e-texts navigator |
| Wylie |
127b1 འབྱོར་པས།། དེ་ཡིས་དངོས་གཞི་འབྲེལ་སྦྱར་བ།། འགྱུ་བའི་ཡུལ་དབྱུང་དྲན་པ་གསད།། བསམ་པའི་ཡུལ་ལྷ་སེམས་རྒྱུན་གཏོར།། ཡུལ་དང་ཤེས་པ་སྦྱར་བས་ཤེས།། འཕྲོ་ལས་མཆེད་པའི་དུས་མཐའ་གཅད།།
127b2 གང་སྣང་རང་གི་ཐོག་ཏུ་དབབ།། གཅིག་གི་འབྲེལ་པ་ཅིག་གཅད་ན།། དེ་ལ་ཉམས་ཀྱི་ཤེས་པ་སྐྱེ།། དག་པ་ཆེན་པོ་གཞི་ཉིད་ན།། བདེ་བ་སུམ་བཅུ་རྩ་གཉིས་འཆར།། དེ་ལས་འབར་དང་བདེ་ལ་སྐྱེ།། ཐོབ་པས
127b3 འཁོར་ལོ་ཅན་ལ་འཇུག། འགྲོ་དང་འོང་བའི་ཤུགས་རྒྱུན་འགག། དེ་ལ་སོགས་ཀྱི་རྣམས་འཕེལ་བས།། ཕར་དང་གཞན་གྱི་བྱ་བ་བྱེད།། ལོག་དང་མ་ལོག་སྤོར་གནས་དང་།། ཇི་ལྟར་འགྱུར་བ་གྲངས་ལས་ཤེས།།
127b4 བསོད་ནམས་ལས་ཀྱི་བྱེ་བྲག་རྣམས།། ཇི་ལྟར་འདོད་པ་ཤེས་པ་དང་།། འཆི་འཕོ་སྐྱེ་བའི་གྲངས་ཉིད་ཀྱང་།། འཕེན་དང་སྡུད་པ་ལས་ཤེས་པ།། དེ་ཡི་རང་བཞིན་རྣལ་འབྱོར་པ་ཡིས་ཡང་།། ཡིད་གཞུང་དྲན་པ
127b5 གསལ་པོ་ཡིས།། རྒྱུན་དུ་རྩིས་པས་མངོན་པར་གསལ།། བསམ་གཏན་ཉིད་ཀྱི་ཡོན་ཏན་ནོ།། ཞེས་བཀོད་པ་ཆེན་པོ་ཨ་ཏི་རྫོགས་པའི་རྒྱུད་ལས།། ཁྲེགས་གཅོད་ལས་ཀྱི་མཐའ་གཅོད་པའི་སྐབས།། སྐལ་པ་དུམ
127b6 བུའི་རྒྱུད་ལས།། མན་ངག་ཏུ་ཕྱུང་བ་ཁྲེགས་བདུན་པ་ཞེས་བྱ་བ་རྫོགས་སོ།། །། དགེའོ།། །། བཀྲ་ཤིས།། །
iiif viewer powered by OpenSeadragon
