| e-texts navigator |
| Wylie |
126b1 ཐམས་ཅད་གཅོད།། རྩེ་མོའི་དངོས་ལ་འོད་འཕྲོས་པས།། འཁོར་འདས་གཉིས་ཀ་དུས་གཅིག་ལ།། སྟོང་པ་རྩེ་མོ་གཅིག་པ་ལ།། རྟོག་དང་མི་རྟོགས་དུས་གཅིག་མཐོང་།། གནས་པའི་ལས་མཐའ་རྫོགས་པའོ།། ལུས
126b2 རྫོབ་རྩ་རྣམས་འདུས་པ་ཡིས།། ལུས་ལ་གནས་དང་འཕེལ་དང་ཉམས།། འགྱུར་དང་འཇིག་དང་འཕོ་བར་བྱེད།། ཆོས་ཉིད་ཡེ་ཤེས་འཕེན་པ་དང་།། འཕང་དང་འཛིན་པ་དང་། འགྲིལ་དང་གོང་འོག་སྡེ་བ་རྣམས
126b3 བྱེད།། དག་ལ་སྒྲ་དོན་འདུས་པ་ཡིས།། ཡིན་དང་མིན་དང་ཡོད་དང་མེད།། མཐོང་དང་མ་མཐོང་ཤེས་མ་ཤེས།། གཉིས་ལྟོས་རྣམས་ཀྱི་བྱེད་པ་ཅན།། སེམས་ལ་འཁོར་འདས་གཉིས་འདུས་པས།། སངས་རྒྱས
126b4 སེམས་ཅན་རྒྱུ་འབྲས་དང་།། ཆོས་དང་ཆོས་མིན་རིམ་པ་དང་།། བདེ་དང་སྡུག་བསྔལ་གཞི་མ་བྱེད།། དེ་ལྟར་འདུས་པས་རྣམ་པར་གྱིས།། འདི་ལ་བསམ་གྱིས་མི་ཁྱབ་པའོ།། གང་ལ་རྟོག་པའི་མཐའ་ཤེས་ན།། དེ
126b5 ལས་ཆོས་ཉིད་ཡུལ་གནས་པས།། འབྲེལ་པ་མེད་པའི་དོན་ཉིད་ལས།། ཆོས་དང་གང་ཟག་མཐའ་ཕྱེ་བས།། འཁྲུལ་པའི་རྟོག་པ་དུས་གཅིག་འགག། ལུས་ཀྱི་མི་རྟོགས་དེ་ལ་རྟེན་པས།། རྟོག་པ་རྣམས་ཀྱི་འབྲེལ་བ
126b6 ཆོད།། ངག་གི་མི་རྟོག་སྨྲས་གཅད་པས།། བརྗོད་མེད་དོན་གྱི་གཞི་མ་རྙེད།། སེམས་ཀྱི་མི་རྟོག་རང་སར་བཞག། དེས་ནི་རྐྱེན་རྣམས་ཆོས་ཉིད་འགྱུར།། གསུམ་སྡོམ་སྐུ་གསུང་ཐུགས་ལ་གནས།། དེའི་འབྲས་བུ་བདེ།
iiif viewer powered by OpenSeadragon
