| e-texts navigator |
| Wylie |
123a1 རང་གཞག་པའོ།། དེ་ལྟར་གསུམ་ཤེས་གཉིས་མེད་ལ།། གཞི་སོགས་གྲངས་ཀྱི་མཐའ་མེད་པས།། གསུམ་ལ་འཁྲུལ་ས་རང་གཞག་པས།། འགྱུར་ཞིང་འཕྱུག་པ་མེད་པར་བསྡམས།། འཁྲུལ་དུ་མེད
123a2 པས་ཅིག་ཤེས་པ།། གཉིས་སུ་འཛིན་པ་མ་སྲིད་པས།། འཁྲུལ་ཞེས་འཁྲུལ་པའི་སྡེང་གཞག་པས།། བྱ་བྱེད་ཐམས་ཅད་རྒྱུན་ཆད་དོ།། སེམས་དཔའི་ས་ནི་ཡང་གསོལ་པ།། འཁོར་བའི་སྙིང་པོ་དེ་ལྟར་ན།། རང་བཞིན
123a3 ཇི་ལྟར་རྣམ་པར་དག། འདི་ཉིད་སྟོན་པས་ཡང་གསུངས་ཅིག། དེ་ནས་རྡོ་རྗེ་འཆང་བ་ཡིས།། རང་བཞིན་གནས་པའི་ཚིག་འདི་གསུངས།། གསང་བདག་སེམས་དཔའ་ཡང་ཉོན་ཅིག། འདི་ལྟར་སྣང་དང་སྟོང་པ
123a4 ཡིས།། བསྡུས་པའི་ཅི་ཙམ་པ།། རང་བཞིན་གྱིས་ནི་རྣམ་པར་དག། འབད་རྩོལ་དྲི་མ་ལས་འདས་པས།། སྤྱོད་བྲལ་སྒོམ་དག་ལྷ་ཡུལ་སྟོངས།། མ་བྱས་རང་གི་སར་བཞག་པས།། དེ་དག་རང་དག་བཞག་ཡས་དག།
123a5 རྒྱུ་དག་རང་དག་འབྲས་བུ་དག། ཆོས་དག་སེམས་དག་འཁྲུལ་པ་དག། དངོས་དག་ཡུལ་དག་འགྱུར་འབྲེལ་དག། དག་ནས་སེམས་ཀྱི་སྣང་དག་པས།། དེ་རང་བཅད་པར་བྱ་བ་མ་ཡིན་ནོ།། དེ་ལྟར་དག་པའི་སྣང་བ
123a6 ལ།། བེམས་བྱང་ལམ་དུ་བླངས་པ་ཡིས།། ས་ཆུ་མེ་རླུང་དག་པར་སྣང་།། དག་པའི་ལུགས་དང་དག་པ་ཡིས། དག་པའི་ཡུལ་དང་དག་པའི་དུས།། དག་པའི་ཚད་དང་དག་ལ་གནས།། དེ་ལྟར་བེམས་པོའི་ལམ་དུ
iiif viewer powered by OpenSeadragon
