| e-texts navigator |
| Wylie |
119b1 རྗེ་མཁའ་འགྲོ་ལ་སོགས་ཕྱི་ནང་སྲུངས་མས་ཀྱང་།། ལུས་དང་གྲིབ་མ་བཞིན་དུ་འགྲོགས་ལ་བར་ཆད་ཞི་བར་མཛོད།། དཀོན་མཆོག་གསུམ་གྱི་ཐུགས་རྗེའི་བྱིན་རླབས་ཆར་བཞིན་ཕོབ།། བདག་གི་མཐུ་ཡང་ངན
119b2 སྔགས་རྣོན་པོ་བཞི།། རྡོ་རྗེ་རྣོ་བས་རྡོ་རྗེ་སེམས་དཔའ་འཚེ་འདིར་འགྱུར།། ཅི་སྲིད་ཀྱིས་འགྲུབ་པའི་ཡི་གེ་སྟེ། བཅོ་བརྒྱད་པ། རྫོགས་སོ།། །། དེ་ནས་འཇམ་དཔལ་བཤེས་གཉེན་གྱིས།། ཁྱེའུ་སྣང་བ་བསམ
119b3 གྱིས་མི་ཁྱབ་པ་ལ་ཡིད་རབ་ཏུ་རངས་ཏེ།། མ་ཧཱ་སུ་ཀ་ཧ་ནི། ཨེ་མ་ཨེ་མ། རྡོ་རྗེ་སེམས་དཔའི་སྐུ་མཆོག་འགྲོ་དཔལ་མགོན་པོའི་ཐུགས་དཀྱིལ་ནས།། བདུད་རྩི་ཆུ་རྒྱུན་བྱང་སེམས་བཅོ་བརྒྱད་བབས།། ཉོན་མོངས
119b4 ཀོ་སྐམ་དག་གིས་ཐ་བ་མི་བདས་སྐབས་མེད་འགྲོ་ཀུན་གྲོལ་སྙམ་སེམས།། བྱང་སེམས་གབ་པ་ཞུས་པའི་ཡི་གེ་འདི།། བདག་གི་གློ་བའི་དཀྱིལ་དུ་ས་མ་ཡི།། བདེར་གཤེགས་བྱིན་རླབས་མ་ལུས་དུས་འདིར་བདག
119b5 ལ་འདུས།། འགྲོ་བ་དུག་ཆེན་སེལ་མཛད་སྨན་ཆེན་མགོན་པོ་སེམས་དཔས་གསུངས།། སྐལ་ལྡན་འགྲོ་བ་གྲོལ་བར་ཐེ་ཚོམ་མེད།། ཀུན་ཏུ་བཟང་པོའི་ཞལ་ཡང་དུས་འདིར་མཐོང་།། རྡོ་རྗེ་སེམས་དཔའི་ཞལ་ཡང་དེ
119b6 རིང་མཐོང་།། རིགས་གསུམ་མགོན་པོའི་ཞལ་ཡང་དེ་རིང་མཐོང་།། བདེ་གཤེགས་ཐུགས་ཀྱི་ཉི་མ་ད་ལྟ་ཤར། ཁམས་གསུམ་འཁོར་བའི་མུན་པ་དེ་རིང་གསལ།། འཁོར་འདས་གཉིས་ཀྱི་ཟམ་པ་དེ་རིང་ཚུགས།།
iiif viewer powered by OpenSeadragon
