| e-texts navigator |
| Wylie |
118b1 ལྷག་གིས་འཆར།། རང་གི་ངོ་བོ་འགྱུར་བ་མེད་ན་ཡང་།། རབ་ཀྱི་འབྲས་བུ་ཐ་སྙད་དེ་ལ་གདགས།། འབྲིང་གིས་ཟླ་བྲལ་གཅིག་ཏུ་རྟོགས་ནས་ནི།། ཐ་དད་འཁྲུལ་པར་ངེས་པ་སྐྱེས་ནས་ནི།། འཁྲུལ་ལ་འཁྲུལ་པར
118b2 ངེས་པར་མཐུ་སྟོབས་ཀྱིས།། བར་མ་དོ་ལ་བར་མདོའི་ཤེས་པ་འབྱུང་།། བར་དོར་བར་དོའི་ཤེས་པ་བྱུང་ཙམ་ན།། གོང་གི་དགོངས་པ་ནམ་མཁའ་ལྟ་བུ་དྲན།། དྲན་ལས་དེའི་ངང་ལ་གནས་པ་ལས།། གཟུང་འཛིན
118b3 དབེན་པར་སྐྱེ་བ་ལེན་པར་ནི།། རྡོ་རྗེ་སེམས་དཔས་གསུངས་པ་མ་ཡིན་ནོ།། ཐ་མ་འདིའི་དོན་ལ་ཞུགས་ནས་ནི།། རྟོགས་ཀྱང་བསྟན་པར་བྱ་བའི་སྐལ་མེད་དེ།། འཇིག་རྟེན་འདིའི་ཟང་ཟིང་འཁྲུལ་པ་ལ།། བསླུ་བྱེད
118b4 རྨི་ལམ་ཡིན་པར་མ་བསྟན་ཏེ།། འདོད་པ་ཡོད་པས་སྐྱེ་བ་ཕྱི་མ་ལེན།། མོས་པའི་དབང་གིས་མི་ལུས་བླངས་ནས་ཀྱང་།། བླ་མེད་ཐེག་ཆེན་འདི་དང་ཕྲད་འགྱུར་ནས།། དེ་ལ་ཕུང་པོ་མ་ལུས་སངས་རྒྱས་པར།། རྡོ་རྗེ
118b5 སེམས་དཔའི་ཞལ་ནས་གསུང་འགྱུར་ཡང་།། ཁྱོད་ཀྱིས་དེ་ལ་རེ་བ་སྐྱེ་འགྱུར་ན།། རྫུ་འཕྲུལ་མངོན་ཤེས་ལྡན་ཡང་བར་ཆོད་འཁོར་བའི་རྒྱུ།། དེ་བས་ཁྱོད་ཀྱིས་དེ་ལྟར་ཤེས་པར་གྱིས།། ཐེག་པའི་རྒྱལ་པོ་བྱ་བ་བྲལ
118b6 བྲལ་ཐབས།། བཀའི་ཡང་སྙིང་བྱེ་བྲག་ཤེས་རབ་འདི།། ཐབས་དང་ཤེས་རབ་ཟུང་འབྲེལ་སངས་རྒྱས་ཐུགས།། རྒྱུ་འབྲས་འདས་པས་ཆོས་སུ་སེམས་དཔས་གསུངས།། བྱ་བ་བྲལ་བས་ཆོས་སུ་སེམས་དཔས
iiif viewer powered by OpenSeadragon
