| e-texts navigator |
| Wylie |
118a1 ཀུན་མཛད།། དུས་དེར་སྔོན་གྱི་དམ་ཚིག་དྲན།། འཁོར་དང་བཅས་པ་ཞི་བར་འགྱུར།། རང་བཞིན་ཆོས་ཉིད་མ་གྱུར་པས།། སྒྲ་ཕྱིར་འབྲང་བའི་ཉེས་པའོ།། དེ་བས་གོང་གི་དོན་ལ་ལྟོས།། ཞེས་སོ།།
118a2 ལམ་གྱི་ཆ་སྐྱེན་གྱི་ཡི་གེ་སྟེ། བཅུ་བདུན་པའོ།། །། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ།། ཡེ་ནས་ལྷུན་གྱིས་གྲུབ་པའི་འབྲས་བུ་ལ།། ཡུན་དང་འགྲུབ་ཚུལ་བསྟན་པ་མི་འོས་ཀྱང་།། རྟོགས
118a3 པས་མཉམ་པའི་ནུས་མཐུ་འདི་ལྟ་མོད།། ཐོགས་མེད་དུས་སུ་གྲུབ་པའི་འབྲས་བུ་ལ།། རྟོགས་ལྡན་ཡེ་ཤེས་གང་ཟག་བཞི་རུ་གསུངས།། ཡང་རབ་རབ་དང་ཐ་མ་འབྲེ་དང་བཞི།། ཡང་རབ་ཕུང་པོ་ལྷག་མ་མི་ལུས
118a4 ཏེ།། གཟུང་འཛིན་དབེན་པའི་རྟོགས་པ་བསྟན་པ་ཡིས།། བདག་གཞན་མཉམ་པོར་རང་གི་ངང་གིས་ན།། ཆོས་སྐུ་མཉམ་ཉིད་ངང་དུ་བན་བུན་པ།། བདག་གཞན་སྣང་སྲིད་ཐམས་ཅད་བན་བུན་པ།། བདག་གཞན
118a5 སྣང་སྲིད་ཐམས་ཅད་ཆོས་སྐུར་བན་གྱིས་བུན།། འབྱུང་བ་ལྔའི་དགོངས་པ་ལྷག་གི་ཤར།། ཡང་རབ་འབྲས་བུ་དེ་ལྟར་དེ་ཡིས་འགྲུབ།། རབ་ཀྱིས་ཐུན་མོངས་མ་ཡིན་གཉིས་མེད་དེ།། རྟོགས་ནས་དང་གིས་གཟུང་དང
118a6 དུ་དུལ།། ལེ་ལོ་ཕྲ་མོས་སྣང་བ་མ་འགྱུར་ཡང་།། འཆི་བའི་སྲིད་པ་ངང་གི་གྲོགས་བྱས་ནས།། ས་ཆུ་མེ་རླུང་རྣམ་ཤེས་རང་གསལ་དང་།། གཉིས་མེད་ངང་དུ་རིམས་ཀྱིས་འགྱུར།། ལྷུན་གྲུབ་ནམ་མཁའི་དགོངས་པ
iiif viewer powered by OpenSeadragon
