| e-texts navigator |
| Wylie |
117a1 རང་གི་སྟོབས་ཀྱིས་རང་ལ་རྫོགས།། དེ་བཞིན་སྣང་སྲིད་དཔག་མེད་པས།། ཆོས་ཉིད་ཆ་རྐྱེན་རང་གིས་རྫོགས། ཁམས་གསུམ་སྲིད་གསུམ་དུས་གསུམ་དུ།། ཆོས་སྐུ་རང་གི་ངོ་བོ་ལས།། ཡོད་པར
117a2 སེམས་དཔས་མ་གསུངས་སོ།། གང་ཡང་དྲན་མཐོང་དེ་ཁོ་ན།། སྨན་གྱི་རྒྱལ་པོ་མ་ཡི་ཏས།། གང་ལ་རེག་པ་སྨན་དུ་འགྱུར།། རྟོགས་པའི་གང་ཟག་སྐལ་ལྡན་གྱིས།། སྣང་སྲིད་ཡེ་ཤེས་འོད་དུ་འབར།། འཁོར་བ་བྱ།
117a3 བའི་མིང་ཡང་མེད། ཁམས་གསུམ་ཉོན་མོངས་གཏན་ནས་ཟད།། རིགས་ལྔ་སངས་རྒྱས་དོན་དང་བྲལ།། སྐུ་གསུང་ཡོན་ཏན་འཕྲིན་ལས་ཀྱང་།། བསམ་ལས་འདས་ཏེ་ཐ་སྙད་ཙམ།། རྟོགས་པ་ཙམ་ལས་གདགས་པ
117a4 ལས།། ཕྱོགས་དང་རིས་སུ་བཅད་པ་ནི།། ཀུན་བཟང་ཡོད་པར་མི་གསུང་ངོ་།། དེ་འདྲའི་རྟོགས་དང་ལྡན་པ་ལ།། ལམ་དང་ཆ་རྐྱེན་ལྡན་པར་ནི།། རྡོ་རྗེ་སེམས་དཔས་གསུངས་པ་ཡིན།། དོན་དང་ལྡན་པའི་སྐྱེས་བུ
117a5 ནི།། དཀོན་མཆོག་གསུམ་ཡང་ངང་དུ་ཡོང་།། འགྲོ་བའི་སྲོག་ཀྱང་ངང་དུ་གཅོད།། དགེ་སྡིག་གཉིས་ཀྱང་ངང་དུ་སྙེམ།། རིག་ཀུན་དང་དུ་བརླག་པར་བྱེད།། རིག་པའི་རྒྱུན་ཡང་ངང་དུ་གཅོད།། འཁོར་འདས་ངང་དང
117a6 ང་དུ་གཅོད།། བློའི་ཆོས་ཀུན་ཟད་པ་ན།། དོན་དང་ལྡན་ཞེས་ཆ་རྐྱེན་ཚང་།། ཁྱོད་ཀྱི་དེ་ལྟར་ཤེས་པར་གྱིས།། མདོར་ན་འདིའི་ཆ་རྐྱེན་དུ།། མ་གྱུར་མི་འགྱུར་མི་སྲིད་དེ།། སྐལ་ལྡན་རྒྱལ་འགུ་ཡིས་རྟོགས།། ཀུན
iiif viewer powered by OpenSeadragon
