| e-texts navigator |
| Wylie |
116b1 ཤེས་ལ།། རྐྱེན་ནི་རྟོགས་པའི་ཡེ་ཤེས་ཤར།། ཆ་ཉིད་རྐྱེན་དང་ཉིད་ཆ།། སྣང་བ་དང་ནི་སྟོང་པ་དང་།། བདེ་བ་དང་ནི་སྡུག་བསྔལ་དང་།། མྱ་ངན་འདས་དང་འཁོར་བ་དང་། ཡོད་མེད་གཉིས་དང་གཉིས་མེད་དང་།།
116b2 མཐའ་རྣམས་ཀུན་བཟང་དགོངས་པའི་རྐྱེན།། སྤྲོས་དང་སྤྲོས་པ་བྲལ་བའི་ལམ།། གཟུགས་ཀུན་ང་རང་ཉིད་ཀྱི་གཟུགས།། སྒྲ་ཀུན་ང་རང་ཉིད་ཀྱི་སྒྲ།། དྲན་རྟོགས་ང་རང་ཉིད་ཀྱི་སེམས།། ང་རང་ཉིད་ཀྱི་རོལ་པ
116b3 ལ།། ཡང་བླང་ང་རང་རང་ཉིད་ཤར།། བཟང་ངན་ངའི་ལམ་གྱི་གྲོགས།། རང་ཉིད་མ་ཡིན་གཅིག་ཀྱང་མེད།། ཐམས་ཅད་མ་ལུས་སེམས་དཔས་གསུངས།། ཐམས་ཅད་ཡེ་ནས་རང་གི་རྐྱེན།། མཚོན་ཕྱིར་དེ་སྐད
116b4 བསྟན་པ་ཙམ།། ཐམས་ཅད་ངའི་ཆ་རྐྱེན་ཡིན།། གཅིག་མ་ཚང་ན་དོན་མ་གྲུབ།། ཐམས་ཅད་སེལ་བྱེད་ཆ་དང་རྐྱེན།། གང་ཡང་རུང་ངོ་ཅི་ཡང་ཡིན།། ཐམས་ཅད་ཆོས་སྐུར་རང་གི་ངང་།། ཀུན་ཀྱང་མཉམ་ཉིད་ཡིན་པ
116b5 ལ། ཁ་ཅིག་ཡང་དག་དོན་རྨོངས་པས།། ཡེ་ནས་ཚོགས་པའི་ཆ་རྐྱེན་ལ།། སྟོང་ཀྱི་རྫས་དང་ཆ་རྐྱེན་སོགས།། གཟའ་དང་རྒྱུ་སྐར་དུས་ཚིགས་དང་།། གནས་དང་དུས་དང་བདག་ལ་སོགས།། ཚོགས་པས་འབྲས་བུ
116b6 འགྲུབ་པར་འདོད།། བསགས་ནས་ཚོགས་པའི་རྫས་དེ་དང་།། བསྒྲུབ་ནས་གྲུབ་པའི་འབྲས་ཀུན་དེ།། སངས་རྒྱས་ཐེག་པར་བགྲང་བ་མེན།། དཔེར་ན་ལུས་ཉིད་གཅིག་པ་ལ།། ཡན་ལག་ལ་སྩོགས་ཆ་སྐྱེན་ཡང་།།
iiif viewer powered by OpenSeadragon
