| e-texts navigator |
| Wylie |
116a1 བར་ཆད་སེལ་འདོད་པ།། དེ་ཉིད་བགེགས་ཡིན་པས་བགེགས་རྣམས་ཐམས་ཅད་འབྱུང་།། སེམས་དཔས་ཁྱོད་ཀྱིས་གཉིས་མེད་ཡེ་ཤེས་སྟོན།། བློ་ལྡན་ཁྱོད་ཀྱི་བླ་མ་རྣམ་གཉིས་ཟུང་།། དཀོན་མཆོག
116a2 གསུམ་དང་ནམ་ཡང་མ་བྲལ་བར།། ཡང་དག་མཆོད་པ་བླ་མེད་མཆོད།། རང་གི་དམ་ཚིག་རྟག་ཏུ་གསུངས།། གྲོགས་སུ་རང་གི་བརྩོན་འགྲུས་སྟེན།། གལ་ཏེ་དེ་ལས་འགལ་གྱུར་ཏེ།། རྡོ་རྗེ་སེམས་དཔའི་དགོངས་པ
116a3 འདི།། ཁོང་ཁྲོ་གདུག་ཅིང་སེར་སྣ་ཆེ།། རིག་པ་སྒྱུ་དང་ཐབས་ཀྱིས་ཚོལ།། རྙེད་ནས་སྲི་ཞུ་རྡུལ་ཙམ་མེད།། ཚིག་དང་བསམ་པ་ཚེ་རོལ་སྨྲ།། ཆོས་ཉིད་དོན་དང་རྟག་ཏུ་འགལ།། དེ་འདྲའི་སྡིག་ཅན་ཏུ་གཏད་གྱུར་ན།།
116a4 དཀོན་མཆོག་གསུམ་གྱི་དབུ་འཕང་སྨད།། སངས་རྒྱས་བསྟན་པ་གཉེན་པོ་བཤིག། ཆོས་སྒོར་ཞུགས་ནས་དམྱལ་བ་བསྒྲུབ།། བདག་གཞན་གཉིས་པོ་གཏན་ནས་བརླག་པར་བྱས།། ཕུང་ཁམས་དེ་དང་མ་སྔོ་ཅིག
116a5 ཁམས་གསུམ་དམྱལ་བར་མ་སྤྱོད་ཅིག། རྡོ་རྗེ་རི་བོ་མ་འཇིག་ཅིག། ཅེས་གསུངས་སོ།། བར་ཆད་བགེགས་དང་མཚན་ཉིད་ཀྱི་དམ་སྩལ་ཐབས་ཀྱི་ཡི་གེ་སྟེ། བཅུ་དྲུག་པའོ།། །། བཅོམ་ལྡན་འདས་སྣ་ཚོགས
116a6 ཀུན་ཏུ་བཟང་ལ་ཕྱག་འཚལ་ལོ།། བགྲོད་དུ་མེད་པའི་ལམ་འདིའི་ཆ་རྐྱེན་གང་།། བསག་ཏུ་མེད་པའི་སྣང་སྲིད་རང་གི་རྐྱེན།། ཆ་ནི་ཆོས་སྐུ་གཅིག་པ་ལ།། རྐྱེན་ནི་འཁོར་འདས་གཉིས་སུ་སྣང་།། ཆ་ནི་རང་བྱུང་ཡེ
iiif viewer powered by OpenSeadragon
