| e-texts navigator |
| Wylie |
115b1 ལྡན་པར་བྱོས།། གཉིས་མེད་བདེ་ཆེན་དེ་དང་མ་བྲལ་ན།། བགེགས་ལ་སྩོགས་པའི་ཕྱོགས་རྣམས་ཐམས་ཅད་ཀུན།། ནམ་ཡང་འབྱུང་བར་སེམས་དཔས་མ་གསུངས་སོ།། བགེགས་ཞེས་བྱ་བའི་མིང་ཡང་མི་སྲིད
115b2 དེ།། སྣང་སྲིད་ཡེ་ཤེས་ཆེན་པོའི་འོད་དུ་འབར།། ཡེ་ཤེས་མ་ཡིན་པ་ནི་གཅིག་ཀྱང་མེད།། ཐམས་ཅད་ཀུན་ཏུ་བཟང་པོའི་ངང་དུ་གསལ།། ཁྱོད་ཀྱི་དེ་ལྟར་ཁོང་དུ་ཆུད་པར་གྱིས།། གལ་ཏེ་ཐབས་དང་ཤེས་རབ་མ
115b3 ལྡན་ནས།། ཡེ་ཤེས་ཆེན་པོ་གཉིས་མེད་བྲལ་བ་ནི།། རྣམ་རྟོག་བདུད་ཀྱི་བར་དུ་བཅད་ནས་ནི།། འཁོར་བའི་བརྩོན་རའི་ནང་དུ་བཅུག་ནས་ནི།། གཟུང་འཛིན་གཉིས་ཀྱི་ལྕགས་སྒྲོགས་སྩལ་ནས་ཀྱང་།། རེ་དོགས
115b4 གཉིས་ཀྱི་ཚེར་ལྕགས་ལས་སུ་བྲབ།། ཟས་སུ་འདོད་ཆགས་ཞེ་སྡང་གཏི་མུག་བྱིན།། ནང་དུ་སྐྱེ་དགའ་ན་འཆི་སྙིང་ལ་ཁོལ།། གཟིགས་མོར་ཁམས་གསུམ་སྣང་བ་སྣ་ཚོགས་བསྟན།། ལས་སུ་སྡུག་བསྔལ་སྣ་ཚོགས
115b5 ཐར་མེད་བྱེད།། ཟོ་ཆུ་ཁྱུད་མོ་བཞིན་དུ་གཅིག་ནས་གཅིག་ཏུ་འཁོར།། གཉིས་མེད་སྐྱབས་ཆེན་དེ་དང་མ་ཕྲད་ན།། ཐར་བའི་དུས་མཐའ་ནམ་ཡང་མི་འབྱུང་ངོ་།། དེ་བས་ཐབས་དང་ཤེས་རབ་ལྡན་པར་བྱོས།། བར
115b6 ། ཆད་བགེགས་ཆེན་བདག་གཞན་གཉིས་འཛིན་ཏེ།། གཉིས་མེད་ཐབས་དང་ཤེས་རབ་མེ་ཡིས་བསྲེག། བློ་ལྡན་ཁྱོད་ཀྱི་ས་དེ་ལྟར་ཤེས་པར་གྱིས།། དེ་ལྟར་ཤེས་ན་བགེགས་དང་བར་ཆད་བརླག། དེ་ལས་གཞན་དུ
iiif viewer powered by OpenSeadragon
