| e-texts navigator |
| Wylie |
114b1 འཕགས།། རང་རང་སེམས་རྫས་ཀྱི་རྒྱལ་པོ་འདི་རྟོགས་ན།། ཕྱི་ནང་སྣང་སྲིད་སེམས་ཅན་ཐམས་ཅད་ཀུན།། མ་ལུས་རྫས་སུ་གྱུར་བས་བསྒྲུབ་པ་ཆེ།། བློ་ཉིད་དངོས་པོར་གྱུར་པའི་རྣལ་འབྱོར་པ།། སྣང་བར་བདེ
114b2 སྡུག་རྣམ་རྟོག་ཅི་སྐྱེས་ཀྱང་།། ཐམས་ཅད་ངའི་རྫས་ཏེ་གུང་ན་མེད།། རང་བྱུང་ཡེ་ཤེས་ཡེ་གནས་ལ།། རྟོགས་པའི་ཡེ་ཤེས་རྫས་དང་ལྡན།། ངང་ལ་གནས་པས་བསྒྲུབ་པ་ཡིན།། རང་གི་རང་རྫས་རང་ལ་ཆེ།། བྱ་བ
114b3 མེད་པའི་ཐབས་དག་དང་།། བྱེད་པ་མེད་པའི་ཤེས་རབ་གཉིས།། གཉིས་མེད་ཡེ་ཤེས་རྟོག་གྱུར་ན།། སྣང་བ་སྐུའི་བསྒྲུབ་རྫས་ཡིན།། སྒྲ་རྣམས་གསུང་གི་བསྒྲུབ་རྫས་ཡིན།། དྲན་རྟོག་ཐུགས་ཀྱི་བསྒྲུབ་རྫས་ཡིན།།
114b4 ཡེ་ནས་ལྷུན་གྱིས་གནས་པ་ལ།། རྟོགས་པས་ནོར་རམ་རྫས་དང་ལྡན།། དེ་ཉིད་རང་གནས་བསྒྲུབ་པ་པོ།། བསྒྲུབ་རྫས་ལྡན་ཞེས་སེམས་དཔས་གསུངས།། གལ་ཏེ་བསྒྲུབ་རྫས་དེ་མིན་ན།། རྫས་རྣམས་ཐམས་ཅད་ཅི
114b5 བསོགས་ཀྱང་།། འཁོར་བ་བསྒྲུབ་པའི་རྫས་སུ་གསུངས།། བསྒྲུབ་རྫས་བགྲང་བར་རིགས་པ་མིན།། ཡེ་ནས་ལྷུན་གྲུབ་སྤྲོས་དང་བྲལ།། བསྙེན་པ་ཡིན་ཏེ་སྙེན་པའི་མཆོག། དེ་རྟོགས་ཉེ་བའི་སྙེན་པའོ།། དཔལ
114b6 གནས་པས་བསྒྲུབ་པའོ།། མངོན་གྱུར་བསྒྲུབ་པ་ཆེན་པོར་བཤད།། ཡེ་ནས་ལྷུན་གྲུབ་སྤྲོས་བྲལ་དེ།། སེམས་དཔས་རྫས་སུ་གསུངས་པ་ཡིན།། མ་རྟོགས་ནོར་རམ་རྫས་དང་བྲལ།། རྟོགས་ནི་རྫས་དང་ལྡན་ཞེས་བྱ།།
iiif viewer powered by OpenSeadragon
