| e-texts navigator |
| Wylie |
114a1 རིག་པ་ཤར་ཙམ་ན།། བསྒོམ་དུ་མེད་པའི་བསྒོམ་པ་བཤུགས་ཀྱིས་འབྱུང་ཐོབ་ཏུ་མེད་པའི་འབྲས་བུ་རང་དབང་བྱེད།། རང་དབང་བྱེད་འབྲས་བུའི་རྒྱལ་པོ་དེ།། རྡོ་རྗེ་སེམས་དཔས་སངས་རྒྱས་ཞེས་སུ
114a2 བསྔགས།། ཡུལ་སེམས་འཁོར་བའི་དུག་ཆེན་སངས།། སྣང་སྲིད་ཆོས་སྐུའི་དང་དུ་རང་སངས་རྒྱས།། དེ་ལ་སངས་རྒྱས་ཞེས་སུ་སེམས་དཔས་གསུངས།། བདག་གཞན་འདུ་ཤེས་ཆོས་ཉིད་ངང་དུ་སངས།། བདག
114a3 མེད་རྟོགས་པས་ལྷག་མེད་ཆོས་སྐུར་རྒྱས།། བདག་གཞན་འདུ་ཤེས་ངང་གིས་ལོག་པ་ན།། ཡིད་ཀྱི་གཡོ་བ་རང་དབང་མེད་པར་ལྷོག། ཡིད་ཀྱི་གཡོ་བ་བྲལ་བ་བརྟན་པ་ལས།། གཞན་དུ་སངས་རྒྱས་སེམས་དཔས་མ
114a4 གསུངས་སོ།། དེ་ལས་གཞན་པའི་སངས་རྒྱས་ཡོད་པར་ནི།། ངེས་རྒྱུད་ཀུན་ཏུ་བཙལ་ཡང་རྙེད་མི་སྲིད།། དྲང་དོན་སངས་རྒྱས་རྣམ་གྲངས་བསམ་མི་ཁྱབ།། དེ་ནི་སེམས་ཅན་མོས་པ་སྐྱེ་ཕྱིར་གསུངས།། དེ་ནི་འཛམ
114a5 གླིང་བྱེ་བ་ཕྲག་བརྒྱར་ཡང་།། སྤྲུལ་པ་བསམ་ཡས་མཛད་པར་གསུངས།། སེམས་ཅན་རང་རང་མོས་པ་ཅི་འདྲ་བར།། ཆོས་སྟོན་པ་ལ་སོགས་པ་འཚལ་བར་སྟོན།། དེ་ནི་དྲང་དོན་སངས་རྒྱས་ཡིན་པར་གསུངས།།
114a6 སངས་རྒྱས་གདགས་གཞི་དང་བཅས་པའི་ཡི་གེ་སྟེ། བཅུ་བཞི་པའོ།། །། རྣམ་དག་སེམས་ཀྱི་དབྱིངས་ལ་ཕྱག་འཚལ་ལོ།། ཡང་དག་སངས་རྒྱས་བསྒྲུབ་པའི་བསྒྲུབ་རྫས་སུ།། རྫས་ཀྱི་རྒྱལ་པོ་རང་སེམས་ཁྱད་པར
iiif viewer powered by OpenSeadragon
