| e-texts navigator |
| Wylie |
113b1 འབྲེལ་འབད་པ་དོན་མེད་འགྱུར།། དེས་ན་སེམས་ཅན་ཆོས་ཞེས་གསུངས།། སེམས་ཅན་བྱ་བ་དེ་ལ་བྱ།། མདོར་ན་བྱ་བྱེད་རེ་དོགས་དེ་ལ་བྱ།། ཨ་ནུ་མན་གཅོད་སེམས་ཅན་ཆོས་སུ་ནི།། རྡོ་རྗེ་སེམས་དཔས་དུས
113b2 འདི་ཉིད་དུ་གསུངས།། དེ་བས་ཀུན་གྱི་ཟོས་ནས་སྡང་བ་འདི།། ཁྱོད་ཀྱིས་གཞན་ལ་ཡེལ་བར་མི་བྱའོ།། གལ་ཏེ་ཕེལ་ན་གང་ཟག་སྐལ་མེད་ཀྱིས།། ཀུན་བཟང་དགོངས་པ་འདི་ལ་གཤེས་གྱུར་ན།། ནམ་མཁའ་ཇི
113b3 སྲིད་བར་དུ་ནི།། ཤི་བའི་འོག་ཏུ་དམྱལ་བར་འགྲོ།། ཞེས་གཟུང་འཛིན་སེམས་ཅན་དུ་བསྟན་པའི་ཡི་གེ་སྟེ།། བཅུ་གསུམ་པའོ།། །། བཅོམ་ལྡན་འདས་ཆེ་བཙན་རྒྱལ་བའི་སྐུ་ལ་ཕྱག་འཚལ་ལོ།། བདག་མེད་རྣམ
113b4 གཉིས་གཏོགས་པ་སངས་རྒྱས་ཏེ།། བྱ་བྱེད་རེ་དོགས་བྲལ་བས་སངས་རྒྱས་ཡིན། བདག་གཞན་འཛིན་པ་ཆོས་སྐུའི་ངང་དུས་སངས།། ཤེས་པ་མེད་པའི་ཤེས་པ་བསྟན་པས་རྒྱས།། གཞི་ནི་ཡེ་ནས་བདག་གཞན
113b5 དབེན་པས་སངས།། དེ་བཞིན་རང་གི་རིག་པ་རྒྱས་པར་བཤད།། རང་བྱུང་ཆོས་སྐུ་སྤྲོས་དང་བྲལ་བས་སངས།། སྤྲོས་བྲལ་རྟོགས་པས་སྟེང་དུ་གྱུར་པས་རྒྱས།། རྣམ་རྟོག་བདག་ཏུ་འཛིན་པས་སངས་པས་སངས་རྒྱས།།
113b6 མི་རྟོག་ཡེ་ཤེས་གཉིས་མེད་གསལ་བས་རྒྱས།། གཟུང་འཛིན་བག་ཆགས་མ་ལུས་ཀུན་སངས་ནས།། ཡེ་ཤེས་མཁའ་ལ་ཉི་ཤར་བཞིན་དུ་རྒྱས།། སངས་རྒྱས་ཞེས་ཀྱང་དེ་ལ་གདགས་པ་ཡིན།། རིག་པ་མེད་པའི
iiif viewer powered by OpenSeadragon
