| e-texts navigator |
| Wylie |
113a1 སེམས་ཅན་ཞེས་སུ་བསྟན་པ་ཡིན།། ཉན་ཐོས་ཨ་ནུ་མན་ཅོང་དུ།། ཐེག་པའི་བྱེ་བྲག་བསམ་ཡས་ཀྱང་།། བསྒྲུབས་ནས་གྲུབ་པའི་འབྲས་བུ་དེ།། སྒྲུབ་བྱ་སྒྲུབ་བྱེད་ཡོད་པས་ན།། དེ་ཡང་ཡུལ་དང་ཡུལ
113a2 ཅན་ནོ།། རེ་དོགས་བླང་དོར་མ་ལོག་པས།། དེ་ཡང་སེམས་ཅན་བློའི་ཆོས།། གོང་གི་ཆོས་ལས་མ་འདས་པས།། བྱ་བྱེད་ཡོད་པ་ཅི་སྲིད་དུ།། སེམས་ཅན་ཡིན་ཞེས་སེམས་དཔས་གསུངས།། གཟུང་འཛིན་མེད་པའི་བྱ
113a3 བྱེད་དམ།། བདག་གཞན་མེད་པའི་གཟུང་འཛིན་ནམ།། བདག་མེད་རྟོགས་པའི་རེ་དོགས་ནི།། སྔར་ཡང་མ་ཐོས་མི་ཐོས་སོ།། ཅི་ཕྱིར་མ་གསུང་མི་གསུང་ཞིང་།། གསུང་བར་འགྱུར་བ་མ་ཡིན་ནོ།། དེ་ལྟ་བུའི་ཆོས
113a4 ཅན་ནི།། ཡོད་པར་འོས་པ་མ་ཡིན་ཏེ།། ཕན་གནོད་མེད་པའི་སྨན་དག་ནི།། སྨྲ་བར་ནུས་པ་མ་ཡིན་ནོ།། ཕ་མ་མེད་པའི་བུ་དེ་ཡང་།། སྨྲ་བར་རིག་པ་མ་ཡིན་ནོ།། བདག་གཞན་བཅས་པའི་སངས་རྒྱས་སམ།། བྱ་བྱེད
113a5 ཡོད་པའི་སངས་རྒྱས་སམ།། རེ་དོགས་ཡོད་པའི་སངས་རྒྱས་ཀྱང་།། ཀུན་རྫོབ་ཨ་ནུ་མན་ཅོད་དུ།། དྲང་བའི་དོན་དུ་བཏག་ཙམ།། ངེས་པར་སྨྲ་བར་བྱེད་པ་ནི།། རྒྱུ་མཚན་གང་གིས་གང་གི་ཕྱིར།། གལ་ཏེ་སྦུབས
113a6 ནས་གྲུབ་པ་ན།། སངས་རྒྱས་རྫས་ཡོད་མི་རྟོག་གོ། དོན་དམ་བསྒྲུབ་ཏུ་མེད་ན་ཡང་།། ཁྱོད་རང་ཉིད་དམ་གཞན་ཞིག་ཡིན།། གཞན་ཞིག་ཡིན་ན་འབྲེལ་མ་འབྲེལ།། འབྲེལ་ན་འབྲེལ་པ་རྣམ་གཉིས་བརྟགས།། མ
iiif viewer powered by OpenSeadragon
