| e-texts navigator |
| Wylie |
112b1 ཟུངས།། སྐལ་མེད་གཞན་ལ་བསྟན་གྱུར་ཀྱང་།། ཡེ་ཤེས་མི་སྐྱེ་ཐེ་ཚོམ་ཟ།། ཐེ་ཚོམ་ཟོས་ནས་གཞན་ཡང་བཟློག། དེ་བས་དེའི་ཉེས་པ་ནི།། རྒྱ་མཚོ་དུག་གིས་དཀྲུགས་པ་ཡིས།། བྱེ་བའི་ཆར་ཡང་མི་ཕོད་དོ།། རྡོ་རྗེ
112b2 དམྱལ་ལམ་ལྷུན་གྲུབ་སྐུ།། གཞན་གྱིས་རེག་ན་ཕུང་བར་འགྱུར།། བཙན་དུག་བཞིན་དུ་ལེགས་པར་བཙའ།། ཞེས་སོ།། ཡོན་ཏན་ལྷུན་གྲུབ་ཀྱི་ཡི་གེ་སྟེ། བཅུ་གཉིས་པ།། །། བཅོམ་ལྡན་འདས་བྱ་བྲལ་དང་ལ
112b3 ཕྱག་འཚལ་ལོ།། ཆོས་སྐུ་ཡེ་ནས་རང་དབེན་པས།། བདག་གཞན་དུ་འཛིན་པའི་སེམས་ཅན་དེ།། པའམ་ཅན་ནི་ལྡན་པའི་སྒྲ།། བདག་ཏུ་འཛིན་པས་སེམས་ཞེས་ཏེ།། གཞན་དུ་བཟུང་བས་ཅན་ཞེས་བྱ།། སེམས
112b4 སེམས་སུ་འཛིན་པས་ན།། སེམས་ཞེས་འཛིན་པའི་དོན་གྱིས་སོ།། དེ་ལ་གཟུང་བའི་ཡུལ་བྱུང་བས།། ཡུལ་ལ་ཅན་ཞེས་བཏགས་པའོ།། བདག་དང་གཞན་ཡོད་ཅི་སྲིད་དུ།། བྱ་བྱེད་ཡོད་པར་རྒྱལ་བས་གསུངས།།
112b5 བྱེད་པའི་ངོས་ནས་སེམས་ཞེས་བྱ།། བྱ་བའི་ངོས་ནས་ཅན་ཞེས་བྱ།། བདག་ཡོད་པས་སུ་ཕན་གནོད་ཡོད།། གདགས་བྱའི་ངོས་ནས་ཅན་ཞེས་བྱ།། འདོགས་བྱེད་ངོས་ནས་སེམས་ཞེས་པའོ།། ཇི་སྲིད་བདག་ཡོད
112b6 བར་དུ་ནི།། གཞན་མེད་ཟེར་བ་བླུན་པ་སྟེ།། ཚུར་ཀ་མེད་པའི་ཕར་ཀ་ནི།། རྨི་ལམ་ན་ཡང་མཐོང་བ་མེད།། བདག་ནི་ཤེས་བྱའི་སྒྲིབ་པ་སྟེ།། ཡུལ་ནི་ཉོན་མོངས་སྒྲིབ་པ་ཡིན།། སྒྲིབ་པ་ཅན་ཞེས་དེ་ལ་བཤད།།
iiif viewer powered by OpenSeadragon
