| e-texts navigator |
| Wylie |
103b1 བསླུས་པ་རེ།། བདུད་ཀྱིས་བསླུས་ཏེ་གཏན་དུ་འཁོར་བར་འཁྱམ།། བདེ་རུ་རེ་ཞིང་ལས་རྣམས་སྣ་ཚོགས་སྤྱོད།། ཁ་ཅིག་བཟོ་དང་རིག་བྱེད་སྣ་ཚོགས་བྱེད།། ཁ་ཅིག་མཐུ་དང་གྲགས་པ་སྣ་ཚོགས་བྱེད།། ཁ་ཅིག
103b2 དམན་པའི་གྲུབ་མཐའ་སྣ་ཚོགས་འཛིན།། ལ་ལ་འཇིག་རྟེན་བུ་དང་ནོར་ལ་འཆོལ།། ཕལ་ཆེར་ཆ་དང་ལོངས་སྤྱོད་འཕེལ་བར་བྱེད།། དེའི་གདམ་ངག་འདི་དང་བྲལ་བ་ན།། རྣམས་ཀྱང་ཐར་པ་མ་ཡིན་ནོ།། བུ་ཁྱོད
103b3 དེ་འདྲའི་སྡུག་བསྔལ་འབྱུང་ང་རེ།། དེ་བས་འབད་པ་རྟོགས་པ་མ་བྲལ་བར།། སྐྱེས་བུ་ནད་ཀྱི་གདུངས་པ་ཇི་བཞིན་དུ།། རྟོགས་པ་ལྷང་ངེར་གཏན་དུ་མ་བྲལ་ཅིག། རྡོ་རྗེ་སེམས་དཔའི་ངོ་བོ་རང་གི་ངང་ལ་ཕྱག
103b4 འཚལ་ལོ།། རང་སེམས་ཀུན་བཟང་ངོ་བོ་ཆོས་ཉིད་རྟོགས་ནས་ནི།། བླང་དུ་མེད་པའི་ཉམས་བླངས་འདི་ལྟ་སྟེ།། གཅིག་ཏུ་རྟོགས་ནས་བློ་རྡོས་རྟོགས་མོས་ན།། ཉམས་སུ་ལེན་པས་སུ་ཡིན་བླང་བ་གང་།། བློ་ཉིད
103b5 དངོས་པོར་འགྱུར་བར་བྱང་བྱ་མེད།། སེམས་དེ་ཆོས་ཉིད་དང་དུ་གྱུར་ཙམ་ན།། སྒོམ་མཁན་གང་ཡིན་སྒོམ་དུ་ཅི་ཞིག་བསྒོམ།། ཆོས་ཉིད་ཡེ་འབྱམས་རྟོགས་ནས་མ་ཡེངས་ན།། ཡེ་འཇམ་ཆོས་ཉིད་དགོངས་པ་ཡིན།
103b6 པར་བཤད།། དཔེར་ན་ཉི་མ་མཁའ་ལ་ཤར་བ་ཡང་།། འཆར་བའི་ཡུལ་ཅིག་ཚད་མར་བློར་བཞག་ནས།། འདིར་འཆར་འདིར་ནི་མི་འཆར།། འཕྱར་མཁན་བདག་ཏུ་དམིགས་པ་ག་ལ་ཡོད།། ཆོས་ཉིད་མཁའ་ལ
iiif viewer powered by OpenSeadragon
