| e-texts navigator |
| Wylie |
102b1 མཁན་པོ་མེད།། ཡུལ་སེམས་གཉིས་མེད་ཡིད་ཀྱི་གཡོ་བ་བྲལ།། རིག་པ་མེད་པའི་རིག་པ་ཤར་བ་ལ།། ཡང་དག་དོན་རྟོགས་རྟོགས་པ་མེད་པར་རྟོགས།། དེ་ལས་གཞན་དུ་ཚོལ་ན་ཐེག་པ་དམན།། བདག་གཞན
102b2 འདུ་ཤེས་མ་ལོག་པར།། བདག་མེད་རྟོག་པར་ཡིན་སྨྲ་ཞིང་།། བྱ་བྱེད་འདུ་ཤེས་མ་ལོག་པར།། སངས་རྒྱས་ཐེག་པ་ཡིན་པར་སྨྲ།། དེ་དང་དོགས་པ་མ་ལོག་པར།། ཉོན་མོངས་ལྡོག་པར་འདོད་པ་དང་།། སྐུ་གསུམ
102b3 བསྒྲུབས་གནས་འགྲུབ་འདོད་ཅིང་།། བདག་གིས་གཞན་ལ་དཔྱོད་ཅིང་རྟོག། སངས་རྒྱས་ཐོག་པར་བགྲང་བ་མིན།། དེ་ནི་སེམས་ཅན་བསམ་པ་སྟེ།། ཁ་ཅིག་ཅི་ཡང་མ་ཡིན་ཟེར།། བློའི་ཡུལ་དུ་བྱས་ནས་ནི། ཁ
102b4 ཅིག་གཉིས་སུ་མེད་ཅེས་སྨྲ།། ཁ་ཅིག་ཡོད་མིན་མེད་མིན་སྨྲ།། ཁ་ཅིག་བསམ་འདས་མཐའ་ལས་སྨྲ།། ཁ་ཅིག་འདུ་ཤེས་མེད་སྨྲ་ཞིང་།། ཁ་ཅིག་བསམ་པའི་ཡུལ་མེད་ཟེར།། ལ་ལ་ཀུན་ཡིན་གང་མིན་སྨྲ།། ད་ལྟ་དེའི
102b5 དུས་མིན་ཏེ།། ནམ་ཞིག་སྦྱངས་ནས་འབྱུང་ཞེས་སྨྲ།། དེ་ལ་སྩོགས་པ་མང་སྒྲ་ཡང་།། བདག་གཞན་འདུ་ཤེས་མ་ལོག་པར།། སེམས་ཅན་བློའི་ཆོས་ཡིན་ཏེ།། རང་གིས་རང་རིག་མ་རྟོགས་པར།། གཞལ་བྱའི་ཡུལ་ལ
102b6 བདག་གིས་ནི།། འཇལ་བྱེད་ཚད་མས་གཏན་ལ་འབེབས།། ཡིན་མིན་འདུ་ཤེས་ཉོན་མོངས་སྐྱེད།། སྐྱོན་ཡོན་གཉིས་ཀྱི་འདུ་ཤེས་ཀྱིས།། འཁོར་བ་མཐའ་ལས་བྲལ་བར་འདོད།། དེ་ཉིད་འཁོར་བའི་རྒྱ་ཡིན་ནོ།།
iiif viewer powered by OpenSeadragon
