| e-texts navigator |
| Wylie |
101b1 ལས་ཐར་པ་མེད།། ཞེས་གསུངས་སོ།། དངོས་པོའི་གནས་ལུགས་ཀྱི་ཡི་གེ་སྟེ་གཉིས་པའོ།། །། རང་སེམས་ཆོས་སྐུ་ཆེ་ལ་ཕྱག་འཚལ་ལོ།། གནས་ལུགས་འདི་ཡིས་འདི་ལྟར་རྟོགས་པར་གྱིས།། ལུས་དང་མན
101b2 ངག་སྟོབས་ཀྱི་རང་རིག་ངེས་པར་འཆར།། གསང་སྔགས་དོན་གྱི་ཚད་མ་འདི་ཉིད་ཀྱིས།། ད་ལྟ་ཉིད་དུ་འདི་ཉིད་རྟོགས་པར་གྱིས།། ཕྱི་ནང་སྣ་ཚོགས་འཁོར་འདས་སྣོད་བཅུད་ཆོས་ཀུན་ནི།། ངོ་བོ་གཅིག་སྟེ་ཅིག་པོ
101b3 དེ་ལྟར་ཤར།། སུས་རྟོགས་ཅིག་པོར་ཤེས་ཏེ་ཐམས་ཅད་བདག་ཉིད་དོ།། བདག་སྟེ་རྣམ་པར་དག་པས་ཡེ་ཤེས་ཆེན་པོ་ཡིན།། བདག་གཞན་གཉིས་སུ་སྣང་ན་མུ་སྟེགས་འཁྲུལ་པ་མིན།། གཅིག་ཡུལ་གཅིག་གིས
101b4 བྱས་པས་གཟུང་འཛིན་རྣམ་རྟོགས་ཡིན།། བདག་མེད་རྣམ་དག་ཡེ་ཤེས་ཅི་ཕྱིར་ན།། ཡེ་ཤེས་དེ་ལྟར་གནས་པས་ཡེ་ཤེས་ཆེན་པོ་ཡིན།། མ་བསྒྲིབས་མ་ཐོགས་ཡེ་ཤེས་ཆེན་པོ་ཡིན།། ཀུན་གྱི་བདག་ཉིད་འདུས་མ
101b5 བྱས་པ་ཡེ་ཤེས་ཆེན་པོ་ཡིན།། ཐམས་ཅད་གཅིག་ཏུ་རྟོགས་པ་གཅིག་པུས་བསམ་མི་ཁྱབ།། ཐམས་ཅད་བདག་ཏུ་རྟོགས་པས་ཉོན་མོངས་སྐྱེ་ཡུལ་མེད།། བདག་ཉིད་བསམ་མི་ཁྱབ་པས་ཉོན་མོངས་སྐྱེ་མཁན་མེད།།
101b6 ཉོན་མོངས་ལྔ་རང་ཆོད་སངས་རྒྱས་དགོངས་པ་སྟེ།། སྐུ་གསུམ་མ་བསྒྲུབས་གྲུབ་པས་གསང་སྔགས་འབྲས་བུ་སྟེ།། ལྷུན་གྲུབ་རྫོགས་ཆེན་ཡིན་པར་རྡོ་རྗེ་སེམས་དཔས་གསུངས།། ཐམས་ཅད་གཅིག་ཏུ་རྟོགས་པས
iiif viewer powered by OpenSeadragon
