| e-texts navigator |
| Wylie |
101a1 གཞི་སྟེ།། ངོ་བོ་དེ་ཉིད་རྟོགས་དང་མ་རྟོགས་ཀྱི།། བྱེད་པ་མེད་པར་རང་ཉིད་ཅིར་ཡང་ཤར།། དཔེར་ན་ནམ་མཁའི་ངོ་བོ་བྱེད་པ་མི་མངའ་བར།། རང་གིས་ངོ་བོ་འབྱུང་བ་བཞིར་ཡང་ཤར།། འབྱུང་བ
101a2 བཞི་ཡང་སྣ་ཚོགས་བསམ་ལས་འདས།། འདས་ཀྱང་ནམ་མཁའ་མ་གཡོས་བྱེད་པར་ཤར།། སེམས་ཅན་བསམ་པ་སངས་རྒྱས་དགོངས་པ་ཡང་།། ཆོས་ཉིད་གཅིག་པུ་གཞན་ནི་ཅི་ཡང་མེད།། དེ་བས་གནས་ལུགས
101a3 གཅིག་པུ་བསམ་མི་ཁྱབ།། དེ་ནི་གསང་སྔགས་གནས་ལུགས་གོ་བར་གྱིས།། གཞན་ནི་གནས་ལུགས་ཐ་དད་ཡིན་པར་འདོད།། དེ་ནི་གནས་ལུགས་གཟུང་འཛིན་ཅན་ཅིན་ཏེ།། གཏན་ལ་ཕེབས་ཀྱང་དགྲོལ་བར
101a4 འགྱུར་མི་སྲིད།། དེ་ནི་སེམས་ཅན་རྣམས་ཀྱི་གནས་ལུགས་ཡིན།། གོང་གི་གནས་ལུགས་ཀུན་གྱི་ཐུན་མོང་མིན། དེ་བས་ཀུན་ལ་དེ་ལྟར་མི་བསྟན་ཏེ། ལོ་བདུན་བར་དུ་མཚན་ཉིད་བརྟག་ལ་ནི། སྐྱོ་བ་རྒྱུན་ཙམ་མེད
101a5 ན་བསྟན་པར་བྱ། རང་གི་ལུས་སྲོག་གཏོང་ནས་བསྟན་པར་བྱ། བློ་ཆེན་འཇིགས་པ་མེད་ན་བསྟན་པར་བྱ།། སློབ་དཔོན་སྙིང་ལྟར་བཙོན་བསྟན་པར་བྱ།། སེར་སྣ་ང་རྒྱལ་མེད་ན་བསྟན་པར་བྱ།། དེ་ལྟར་ཁྱོད་ཀྱིས
101a6 གཞན་དུ་བསྟན་ན་ནི།། རྒྱ་མཚོར་དུག་གཡོས་སྡིག་པ་ཆར་མི་ཕོད།། ཀའི་ངས་བསྟན་ཚུལ་བཞིན་ཡེངས་པ་མེད་པར་སྤྱོད།། སློབ་དཔོན་བཀའ་གདམས་ཉམས་པ་བྱོལ་སོང་ཡིན།། ནམས་ཀྱང་འཁོར་བའི་མཐའ
iiif viewer powered by OpenSeadragon
