| e-texts navigator |
| Wylie |
15b1 རྒྱ་ནག་པོའི་སྐད་དུ། རོ་ཉ་ཀྲི་པྲ་ཤ་མ་ཏ་རི་ལ་ཧ་ར་ཁ་ན་ཏ། རྒྱ་གར་སྐད་དུ། ན་ག་ཀ་ལ་ཙཀྲ་སརྦ་ཀརྨ་ཨ་ཏི་ན་མ་ཏན་ཏྲེ་ར་ཛ། བོད་སྐད་དུ། ཀླུའི་འཁོར་ལོ་ནག་པོ་འཕྲིན་ལས་ཐམས་ཅད་རྫོགས
15b2 པ་ཞེས་བྱ་བ་རྒྱུད་ཀྱི་རྒྱལ་པོ་ཆེན་པོ།། བཅོམ་ལན་འདས་ཀླུའི་རིགས་ཀྱི་བདག་པོ་འཇམ་དཔལ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཀླུའི་རིགས་ཀྱི་བདག་པོ
15b3 འཇམ་དཔལ་ཉིད། ཆོས་ཉིད་མཉམ་པའི་ངང་ལས་ཡེ་ཤེས་ཀྱི་སྐུར་བཞེངས་ཏེ། ཡེ་ཤེས་ཆེན་པོ་འཁོར་མང་པོ་དང་ཐབས་ཅིག་ཏུ་བཞུགས་སོ།། དེའི་ཚེ་དེའི་དུས་ན། འཁོར་མང་པོའི་ནང་ནས་རྡོ་རྗེ་སྙིང་པོ་རབ་ཏུ
15b4 འཇོམ་པ་བཞེངས་ཏེ། རིགས་ཀྱི་བདག་པོ་ལ་གསོལ་པ། འཇམ་དཔལ་དཔལ་དང་ལྡན་པའི་མཆོག། རྣམ་དག་ཆོས་སྐུའི་རང་བཞིན་ལས།། གདུག་པ་འདུལ་བའི་སྐུར་བཞེངས་ལ།། འཁོར་གྱི་དྲེགས་པ་དབང
15b5 བསྡུས་ལ།། རྡོ་རྗེ་འཆང་ཆེན་དཔག་མེད་པའི། ཁྱབ་བདག་ཡེ་ཤེས་བཤད་པར་མཛོད།། ཅེས་གསོལ་པས། དེ་ནས་ཀླུའི་བདག་པོ་འཇམ་དཔལ་ཉིད་ཀྱིས་ཐམས་ཅད་དབང་དུ་བསྡུ་བའི་ཏིང་ངེ་འཛིན་ལ་བཞུགས་ཏེ།
15b6 ཕེ་ཤག་དུ་བྷྲཱུཾ་ཞེས་བརྗོད་པས་དེ་ཉིད་དུ་ཀླུའི་རིགས་ཀྱི་གཞལ་ཡས་ཁང་ཆེན་པོ་རྒྱ་ཡོངས་སུ་མ་ཆད་པ། མུན་པ་ཆེན་པོའི་སྨག་ཏུ་གྱུར་པ་ལ། རྒྱ་མཚོ་ཆེན་པོ་གཏིང་ནས་འཁོར་བ་ལྟར་འཁྲུག་པ། ཤིན་ཏུ་རྒྱ་ཡོངས་སུ
iiif viewer powered by OpenSeadragon
