| e-texts navigator |
| Wylie |
88b1 བཞག་པའི་གནས་མེད་ཀྱིས།། དམ་ཚིག་གཙོ་རུ་བཟུང་ཕྱིར་གཞན་ལ་སྤེལ་མི་བྱ།། གུ་རུ་བ་སུ་དྷ་རས་གདམས་པའི་དྲག་སྔགས་ཁྱད་པར་འདི།། འཛམ་གླིང་བོད་དུ་སྤེལ་ན་བན་ཆུང་རང་ཁ་སྡིག། དེ་སྐད་གསུངས
88b2 ནས་བཀའ་ཡི་རྒྱས་བཏབ་པས།། སྒྱུ་མའི་ཕུང་པོ་འདི་དང་འགྲོགས་ནས་ས་ཡི་གཏེར་དུ་འཆི།། རྫོགས་སོ།། །། @#།། རྒྱ་གར་སྐད་དུ། ཤྲི་ཙནྡྲ་གུ་ཧྱ་ཀརྨྨ་ས་མུནྟ་ཧ་ལ་ཙ་མ་རི
88b3 ཡཀྵ་ཙཀྲ་ཀཱ་ལ་གུ་ཧྱ་ཏནྟྲ། བོད་སྐད་དུ།། དཔལ་ཟླ་གསང་ནག་པོ་རྒྱ་མཚོ་དུག་རི་ཁ་ཡཀྵ་འཁོར་ལོ་ནག་པོ་གསང་བའི་རྒྱུད། བཅོམ་ལྡན་འདས་གཤིན་རྗེ་གཤེད་པོ་ལ་ཕྱག་འཚལ་ལོ།། འདི་སྐད་བདག་གིས་ཟོས
88b4 པའི་དུས་གཅིག་ན།། ལྷོ་ཕྱོགས་གཤིན་རྗེའི་གནས་རྒྱ་མཚོ་དུག་རི་ཁ་ཞེས་བྱ་བ་ན། དུག་མཚོན་ནག་པོ་རབ་ཏུ་འཇིགས་པ། རླུང་ནག་རྡོ་རྗེ་རྒྱ་གྲམ་གྱིས་བཏེག་པ། རབ་ཏུ་ཁོལ་བ། ཉམ་ང་ཞིང་འཇིགས་པ། མུན་པ
88b5 ཆེན་པོའི་སྐྲག་ཏུ་གྱུར་པ། དུག་མཚོན་ཟ་ཚད་གཏིང་ཁོལ་གྱི་ནང་ན། ལྕགས་ཀྱི་ཁང་རོམ་འབར་བ།། བསྐལ་པ་སྦྲུལ་ནག་འཁྲིལ་པའི་ཕོ་བྲང་ན།། བཅོམ་ལྡན་འདས་དཔལ་ཡ་མན་ཏ་ཀ་ཉིད། ཁམས་གསུམ་གདུག
88b6 པའི་ཀླུ་རྣམས་དབང་དུ་བསྡུ་བའི་ཕྱིར། དྲག་པོ་དཔའ་བརྟུལ་ཆེན་པོ་རྔམས་པའི་ཏིང་འཛིན་ལ་སྙོམས་པར་ཞུགས་ཏེ། རྔམ་པའི་སྒྲ་ཆེན་པོ། ཨ་ལ་ལའི་གད་རྒྱངས་ཆེན་པོ་བསྒྲགས་པས། འཇིག་རྟེན་གྱི་ཀླུ་ཐམས
iiif viewer powered by OpenSeadragon
