| e-texts navigator |
| Wylie |
81b1 ནག་པོའི་རྒྱུད་དག་ལས།། པྲ་ཁྲིད་མན་ངག་བཤད་དུ་གསོལ།། ཞེས་ཞུས་སོ།། སྟོན་པ་ན་ར་གིར་ཏི་དེས། བསྡམས་པ་གནང་བའི་བརྡ་ཅིག་མཛད་ནས། འདི་སྐད་ཅེས་གསུངས་སོ།། དྲེགས་པའི་ཚོགས་རྣམས
81b2 བདག་ལ་ཉོན།། ལྔ་བརྒྱ་ཐ་མའི་དུས་དག་ཏུ།། དམ་ཚིག་ཉམས་པ་མང་པ་ཡིས།། རྡོ་རྗེ་ནང་རྨེ་བྱེད་པའི་ཚེ།། ལྟ་བ་ཟབ་མོའི་གདེང་སྟེངས་སུ།། འདུས་པའི་ལུང་གིས་རྒྱབ་རྟེན་བྱ།། མཆོད་རྟེན་ནག་པོ་གཏན་ལ
81b3 དབབ།། གསང་བ་གསུམ་གྱིས་ཉམས་སུ་བླངས།། སྦྱོར་བ་གསུམ་གྱིས་ཁ་ཡང་བསྐང་།། ཐ་མར་གསང་བའི་རྒྱ་ཡིས་གདབ།། ལག་ཏུ་བླང་བའི་པྲ་ཁྲིད་ནི།། བཞི་གཅིག་ལྷ་སྟེ་བཞི་གཉིས་ཕུར།། བཞི་གསུམ་སྒོ་སྟེ
81b4 བཞི་བཞི་ཕྱོགས།། བཞི་ལྔ་དུས་ཏེ་བཞི་དྲུག་རྫས།། བཞི་བདུན་གཟུངས་ཐག་བཞི་བརྒྱད་སྔགས།། ཡང་བཞི་ཕྱག་རྒྱ་རྣམ་པ་བཞི།། བསྒྱུར་ཏེ་སྤྲུལ་པ་རྣམ་པ་བཞི་ཞེས་པ།། བཞི་བརྒྱད་སུམ་ཅུ་རྩ་གཉིས
81b5 དང་།། ཡང་བརྒྱད་བཞི་བཅུ་ཟམ་པ་ཡིས།། མཆོད་རྟེན་ནག་པོ་གཏན་ལ་དབབ།། ཅེས་གསུངས་སོ།། དེ་ནས་ཡང་འཁོར་གྱི་གཙོ་བོ་གཙུག་གུ་ནག་གུས་འདི་སྐད་ཅེས་གསོལ་ལོ།། ཨེ་མ་ཧོ། དྲེགས་པ་བདག
81b6 པོ་ཐབས་ལ་མཁས། ལྷ་རྣམ་པ་བཞི་གང་ལགས། ཕུར་པ་རྣམ་པ་བཞི་གང་ལགས། སྒོ་རྣམ་པ་བཞི་གང་ལགས། ཕྱོགས་རྣམ་པ་བཞི་གང་ལགས། དུས་རྣམ་པ་བཞི་གང་ལགས། རྫས་རྣམ་པ་བཞི་གང་ལགས།།
iiif viewer powered by OpenSeadragon
