| e-texts navigator |
| Wylie |
81a1 བསྒྲུབས་གྱུར་ན།། ཐེ་ཚོམ་མེད་པར་འགྲུབ་པར་འགྱུར།། སྙིང་པོ་ཡང་སྙིང་ཤིན་ཏུ་གསང་།། སྤྱོད་པ་འཕྲིན་ལས་ཤིན་ཏུ་གཙང་ཞིང་གབ།། ཐུབ་ན་རིགས་རྒྱུད་འཕེལ་བར་འགྱུར།། བཙམ་ལ་འཕྱར
81a2 བས་གཞན་སྤེལ་ན།། འདིར་ནི་ཚེ་ཐུང་ནད་ཡང་མང་།། བཀྲ་མི་ཤིས་ལ་ཁོབ་མི་གཤིན།། དེ་ཕྱིར་སྙིང་གི་དཀྱིལ་དུ་སྦ།། མུ་སྟེགས་རྣམ་པ་བཞིའི་རྡེའུ་གཤིག་ཅིང་ཕུང་བར་བྱ་བའི་རྒྱུད་ཅེས་བྱ་བ་རྫོགས་སོ།། །།
81a3 རྒྱ་གར་སྐད་དུ། པྲ་ཏི་ཡ་མན་ཏྲ་ས་ཙ་ཏན་ཏྲ་ཀ་ནི་ཀ། བོད་སྐད་དུ། མཆོད་རྟེན་ནག་པོའི་རྒྱུད་ལས། པྲ་ཁྲིད་རྣམ་པ་གསུམ་བསྟན་པ། དཔལ་དྲེགས་བདག་ཆེན་པོ་ལ་ཕྱག་འཚལ་ལོ།། ཤིན་ཏུ
81a4 གསང་བའི་གནས་མཆོག་གནས།། དྲེགས་བདག་ལྷ་ཡི་དབང་པོ་ལ།། དྲག་པོ་འདུས་པའི་འཁོར་གྱིས་བསྐོར།། གསང་བའི་ལུང་རྣམས་སྦས་ཏེ་གཏད།། སྐབས་དང་ལྡན་པའི་དུས་དག་ལ།། འཁོར་གཙུག་དགུ་ན
81a5 གུས་འདི་སྐད་ཞུས། ཨེ་མ་ཧོ། དྲེགས་པའི་བདག་པོ་ལྷ་བདག་གཙོ།། ཐབས་ལ་མཁས་པའི་ཐུགས་རྗེ་ཅན།། བདག་ཅག་ཐེ་ཚོམ་གྱུར་པ་རྣམས།། ངེས་པ་བསྐྱེད་ཕྱིར་བཤད་པར་འཚལ།། ལྔ་བརྒྱ་དུས་ཀྱི་སྙིགས་མ
81a6 ལ།། བསྟན་པ་ཉམས་པའི་དུས་འབྱུང་སྟེ།། གདུག་བྱེད་སྦྱོར་བ་བཟློག་པ་དང་།། དམ་ཚིག་ནང་རྨེའི་རྨེ་ཐབས་ལ།། བསྲུང་དང་བཟློག་དང་གནན་པ་དང་།། གདུལ་ཞིང་བསད་པའི་འཕྲིན་ལས་རྣམས།། མཆོད་རྟེན
iiif viewer powered by OpenSeadragon
