| e-texts navigator |
| Wylie |
79a1 དང་།། སྲིན་རྡོ་མགར་བའི་སོ་རྡོག་སོགས།། ཐུན་གྱི་རྫས་རྣམས་ཀུན་གྱིས་གསད།། སྐྱ་ཟོར་འཕང་བའི་ལས་རྣམས་བྱ།། བསྲུང་བའི་རྫས་ནི་རིན་ཆེན་དང་།། སྨན་དང་འབྲུ་དང་སྙིང་པོ་སྤོས།། དུག
79a2 སེལ་བརྒྱ་རྩ་བརྒྱད་ཀྱི་རྫས།། ལུས་ལ་བཅང་ཞིང་དུད་པས་བདུགས།། ཤ་རི་རཾ་དང་བཅས་པས་བསྲུང་།། དེ་ལྟར་བསྲུང་བའི་རྫས་རྣམས་ཀྱིས།། འཁྲུལ་འཁོར་གནོད་པ་སེལ་ནུས་ན།། དུག་ཆེན་བཅོ་བརྒྱད་སྨོས་ཅི།
79a3 དགོས།། གཉེན་པོ་རྫས་བསྡུས་བརྒྱ་བརྒྱད་དེ།། སྟོབས་སྐྱེད་རྫས་གསུམ་དེ་བཞིན་ནོ།། སྟོབས་སྐྱེད་བྱས་ན་བྱིན་ཆེན་འབྱུང་།། རྡོ་རྗེ་གཙུག་ལག་འཁོར་ལོ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད
79a4 ལས། རྫས་ཀྱི་དེ་ཁོ་ན་ཉིད་བསྟན་པའི་ལེའུ་སྟེ་གཉིས་པའོ།། །། གསུམ་པ་དུས་ཀྱི་དེ་ཁོ་ན།། ཕོ་མོ་གཉིས་སུ་བསྟན་པ་སྟེ།། ཕོ་དུས་རྣམ་པ་བཞི་ཉིད་ནི།། བསྒྲུབ་དུས་འགྱུར་དུས་གདབ་པའི་དུས།། དཀྲུག་པའི
79a5 དུས་སུ་བསྟན་པ་ཡིན།། མོ་དུས་རྣམ་པ་བཞི་ཉིད་ནི།། མ་དང་སྲིན་མོ་བྲན་དང་སྲིང་།། སྤྱི་དང་རང་རང་ཁྱད་པར་གྱི།། དམ་ཚིག་དག་ལ་གནས་པ་སྟེ།། དང་པོ་སྙིང་རྗེ་བྱམས་མི་འབྲལ།། པར་པ་བསྒྲུབ་ལ་ཆགས
79a6 སེམས་མེད།། ཐ་མ་ཡེ་ཤེས་ལས་སུ་དབྱེ།། དེ་ནས་ཞེ་སྡང་རྩེ་གཅིག་པའོ།། ཏིང་འཛིན་བཞི་དང་དྲག་སྔགས་བཞི།། རྒྱུད་དུས་སྙིང་བཞི་བཟུང་ལ་སྒྲུབ། ཁྱད་པར་དུས་མི་འགྱུར་བ་གཅེས།། རྡོ་རྗེ་གཙུག་ལག་དྲག་པོ
iiif viewer powered by OpenSeadragon
