| e-texts navigator |
| Wylie |
78b1 ལོ་རྣམ་པ་དགུ།། གནས་པའི་འཁོར་ལོ་མི་འགྱུར་འཁོར།། ཡང་རྣམ་གསུམ་ནི་དངས་མ་ཡིན།། ཕྱི་མོ་འཁོར་ལོ་འགྱུར་འཁོར་ལོ།། སྒྱུར་བའི་འཁོར་ལོ་དངས་མ་སྐྱེད།། དྲག་པོ་འཁོར་ལོ་གཅོད་འཁོར་ལོ།། སྤོ་བའི
78b2 འཁོར་ལོ་དངས་མ་གཅོད།། དེ་དགུ་གསུམ་གསུམ་རྩིས་དང་སྦྱར།། མན་ངག་འཁོར་ལོ་བསྟན་པ་ཡིན།། དམ་ཚིག་རྗེས་དྲན་རང་དབང་མེད།། དངས་སྐྱེད་རྣམ་ཤེས་རྗེས་སུ་མཐུན།། སྔགས་ཀྱི་དེ་ཉིད་དེ་ལས
78b3 གཉིས།། ཕོ་དང་མོ་རུ་བསྟན་པ་ཡིན།། དེ་ལས་བསེ་དུང་ལྕགས་གསུམ་དབྱེ།། སྔགས་ཀྱི་རྒྱ་རུ་ངས་ལུང་བསྟན།། རྡོ་རྗེ་གཙུག་ལག་དྲག་པོ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད་ལས། སྔགས
78b4 ཀྱི་དེ་ཉིད་བསྟན་པའི་ལེའུ་སྟེ་དང་པོའོ།། །། གཉིས་པ་རྫས་ཀྱི་དེ་ཁོ་ན།། བསྟན་དང་མཆོག་དང་བསྐང་བ་གསུམ།། བསྡུས་པ་རྣམ་གྲངས་བཅོ་རྒྱད་ཤེས།། གཙན་དུག་འཁར་ནག་ཧ་ལ་གནག། རྨ་བྱ་གླང་ཆེན
78b5 མཆིན་པ་དང་།། ར་དུག་ཆེན་པོ་ད་རུ་ར།། ས་དུག་རྣམ་པ་གསུམ་རྣམས་ནི།། ཚ་བ་སྐྱེད་པའི་རྫས་སུ་བསྟན།། ལུས་ལ་བཅང་ན་བསྲུང་བར་འགྱུར།། དངོས་གྲུབ་རྫས་ནི་གང་རྟེན་རྫས།། ཏིལ་ནག་རྫས་དང་ཏིལ
78b6 དཀར་རྫས།། གུར་ཀུམ་རྫས་དང་ཙན་དན་དམར།། ལས་བཞི་དངོས་གྲུབ་རྫས་སུ་ཤེས།། གདུག་པ་གཞིལ་བ་དངོས་གྲུབ་རྫས།། བཀྲ་ཤིས་རྫས་ཀྱིས་གཞིལ་བར་བྱ།། བསད་པ་གདུག་པའི་ཁྲག་རྣམས
iiif viewer powered by OpenSeadragon
