| e-texts navigator |
| Wylie |
78a1 ལྡན་ཆོས་ལ་སྲོག་ལྟར་གཅེས།། དེ་ལྟར་བུ་ལ་བསྟན་པར་བྱ།། ཟས་ནོར་གྲགས་པའི་ཁར་མི་བཏང་།། ཆུ་སྐྱུར་ལྟ་བུའི་སེམས་ཅན་ལ།། ངོམས་གཙོངས་ལྟ་བས་ངན་སོང་ལྟུང་།། ཆུ་སྲིན་གྲེ་བར་ཆུད
78a2 བཞིན་སྡོམས།། སྣོད་ལྡན་ལས་ཀྱི་སྐལ་ཆེན་ལས།། ཡོངས་ལ་སྦྱིན་པར་ངས་མ་གསུངས།། རྡོ་རྗེ་གཙུག་ལག་དྲག་པོ་ངན་སྔགས་འཁོར་ལོ་གཟེར་གྱི་རྒྱུད་ལས། རྒྱུད་རྫོགས་པར་གཏད་པའི་ལེའུ་སྟེ་བདུན
78a3 པའོ།། །། རྡོ་རྗེ་གཙུག་ལག་དྲག་པོ་ངན་སྔགས་མེ་ལོང་རྣམ་པར་བཀོད་པ་འཁོར་ལོ་གཟེར་གྱི་རྒྱུད་རྫོགས་སོ།། །། ཟི་རྒྱ། ནི་རྒྱ། སུ་རྒྱ། མན་ངག་དོན་འགྲོལ་གྱི་རྒྱུད་རྫོགས་སོ།། །།
78a4 @#།། རྒྱ་གར་སྐད་དུ། བཛྲ་ཀྲི་ཡི་ཨུ་ཀྲ་ན་བི་རད་ན་གྷི་ཨི་ཀ་ཙཀྲ་ཏན་ཏྲ་ནཱ་མ། བོད་སྐད་དུ། རྡོ་རྗེ་གཙུག་ལག་དྲག་པོ་ངན་སྔགས་རིན་པོ་ཆེ་བརྩེགས་པ་འཁོར་ལོ་གཟེར་གྱི་རྒྱུད།། བཅོམ་ལྡན་འདས་དཔལ་ཀུན
78a5 ཏུ་བཟང་པོ་ལ་ཕྱག་འཚལ་ལོ།། དེ་ནས་གསང་བའི་བདག་པོ་ཡིས།། བརྡ་ཡིས་གཙོ་ལ་གསོལ་བ་བཏབ།། གཙོ་བོས་བརྡ་དོན་བཀའ་སྩལ་པ།། བརྡ་སྐལ་རྡོ་རྗེ་དྲག་པོ་ཆེ།། འཁྲུལ་འཁོར་སྤུ་གྲི་འདྲ་བ་ཡང་།། དེ
78a6 ཉིད་རྣམ་པ་བཞི་ཡིས་གྲུབ།། སྔགས་དང་རྫས་དང་རྟགས།། སྔགས་ཀྱི་དེ་ཁོ་ན།། འཁོར་ལོ་རྣམ་པ་གཉིས་སུ་ཤེས།། མན་ངག་འཁོར་ལོ་བསྟན་པ་དང་།། བཅོས་མ་བརྙན་མའི་འཁོར་ལོ་གཉིས།། མན་ངག་འཁོར
iiif viewer powered by OpenSeadragon
