| e-texts navigator |
| Wylie |
77b1 པར་བཀོད་པ་འཁོར་ལོ་གཟེར་གྱི་རྒྱུད་ལས། ཕུར་པ་འཁོར་ལོ་གཟེར་གྱི་ལེའུ་སྟེ་བཞི་པའོ།། །། གསང་གདགས་མེ་ལོང་གསུམ་བཀོད་པ།། ཡན་ལག་བཅུ་དྲུག་སྔོན་སོང་བའི།། ཨོཾ་ཧཱུཾ་གྱི་མགོ་ཡིན་ཏེ།། དེ་འོག
77b2 ལས་སྦྱར་བཅུ་པ་ཡིན།། ཡང་སྙིང་རྩ་བ་ལས་དང་བཅས།། ལས་གོང་འཁོར་གྱི་རྩ་བ་ཡིན།། གཙོ་བོའི་ལས་ལ་འཁོར་ལས་གདགས།། ཐ་མ་བདུད་རྩི་དངོས་གྲུབ་སྔགས།། དམ་པ་རིགས་བརྒྱད་ཀུན་ལ་གཅེས།། དེ
77b3 ཡི་ཐམས་ཅད་གསལ་བར་འགྱུར།། རྡོ་རྗེ་གཙུག་ལག་དྲག་པོ་ངན་སྔགས་མེ་ལོང་རྣམ་པར་བཀོད་པ་འཁོར་ལོ་གཟེར་གྱི་རྒྱུད་ལས། སྟོབས་ཆེན་གཟེར་གྱི་ལེའུ་སྟེ་ལྔ་པའོ།། །། ཁྱུང་ཆེན་མེ་ལོང་གཟེར་བཀོད
77b4 པ།། ཡན་ལག་བཅུ་དྲུག་སྔོན་སོང་བའི། ཁྱུང་ཆེན་ཕོ་མོ་གཉིས་པོ་ལ།། ཨོཾ་གནས་ཀུན་གྱི་མགོ་བོ་ཡིན།། དེ་འོག་ལས་སྒྱུར་བཅུ་པ་ཡིན།། དེ་ལ་ཕོ་མོ་རྩ་བ་ལྔ།། རྩ་བའི་ལྔས་དང་ལྔ་ལས་གདགས།། འཁོར་གྱི
77b5 གཉིས་དང་ལས་བསྡུས་ནི།། འབྲུ་ལྔ་དག་ཏུ་ཤེས་པར་བྱ།། དེ་ལས་སྭ་རྣམས་གདགས་པར་བྱ།། ཨོཾ་བཛྲ་ག་རུ་ཌ་ཧ་པ་ཨོཾ་སྭ་ཁྲི།། མཐའ་སྡུད་ལས་ནི་གསང་སྔགས་གྲགས།། རྡོ་རྗེ་གཙུག་ལག་དྲག་པོ་ངན་སྔགས་མེ
77b6 ལོང་རྣམ་པར་བཀོད་པ་འཁོར་ལོ་གཟེར་གྱི་རྒྱུད་ལས། ཁྱུང་ཆེན་གཟེར་གྱི་ལེའུ་སྟེ་དྲུག་པའོ།། །། བུམ་པ་བཟང་ནི་ནོར་བུ་དང་།། དཔག་བསམ་ཤིང་འདྲ་རྒྱུད་ཆེན་འདི།། ཐུན་མོང་མ་ཡིན་དཔེ་དེ་བཞིན།། སྐལ
iiif viewer powered by OpenSeadragon
