| e-texts navigator |
| Wylie |
356b1 ཡིན།། དེ་ཡི་ཕྱི་རིམ་ཕྱོགས་བཞིན།། རྒྱལ་པོའི་རིགས་ནི་ས་ལ་དབང་།། ལྕི་དང་འཐིབ་པའི་ནད་ཀྱི་བདག། རྗེའུ་རིགས་གདུག་པ་མེ་ལ་དབང་།། ཚ་དང་བསྲེག་པའི་ནད་ཀྱི་བདག། བྲམ་ཟེ་གདུག་པ་ཆུ་ལ
356b2 དབང་།། གྲང་ཞིང་འདར་བའི་ནད་ཀྱི་བདག། དམངས་ཀྱི་རིགས་ནི་རླུང་ལ་དབང་།། ཡང་ཞིང་གཡོ་བའི་ནད་བདག་ཡིན།། རང་རང་ཡིད་ཀྱི་ཁང་པ་སྟེ།། རིན་ཆེན་གསེར་ལས་གྲུབ་པ་ཡིན།། གྲུ་བཞི་ཕྱི་ནང་ཀུན་ཏུ
356b3 གསལ།། དེ་ཡི་ཕྱི་རིམ་རྩིབས་ལྔའི་ཀླུ།། ཉི་ཤུ་རྩ་ལྔ་རིམ་པར་གནས།། གཞལ་ཡས་རིན་ཆེན་དགུ་ལས་གྲུབ།། དེ་ཡི་ཕྱི་རིམ་གཉེན་ཆེན་བརྒྱད།། འཁོར་ནི་འབུམ་སྡེར་བཅས་པ་གནས།། དེ་ཡི་གནས་ཁང་གཡུ
356b4 ལས་གྲུབ།། དེ་ཡི་ཕྱི་རིམ་ས་བདག་སྟོང་།། རིན་ཆེན་ཟངས་ཀྱི་ཁང་པར་གནས།། དེ་ཡི་ཕྱི་རིམ་ས་སྲིན་དང་།། ས་སེན་ཀླུ་སེན་འབུམ་སྡེ་རྣམས།། ལྕགས་ལས་བྱས་པའི་གནས་ཁང་ན།། དེ་ཡི་ཕྱི་རིམ་ཟེ་བྲང
356b5 དང་།། འབྱུང་བ་ཀུན་ཏུ་མྱུལ་བ་གནས།། དེ་ཡི་གནས་ཁང་ས་ལས་གྲུབ།། དེ་རྣམས་ཉམ་ང་ནད་ཀྱི་བདག་པོ་ཡིན།། རིམ་པས་གདོན་ཅིང་གཙོ་བོའི་ལག་ཏུ་གཏོད།། ཀླུ་རྒྱལ་ནད་ཀྱིས་ཟིན་ན་འཚོ་བ་དཀའ།། འཁོར
356b6 གྱི་ནད་ནི་སྣ་ཚོགས་ཏེ།། ངོས་ཟིན་པ་ནི་གསོ་བར་སླའོ།། རུ་སྦལ་ཁྲ་བོའི་རྟོག་པ་དང་པོའོ།། །། རྡོ་རྗེ་རྣོན་པོས་གསོལ་བ།། ཛ་ལ་ཛི་ཉམ་ང་བ།། རྒྱུ་རྐྱེན་གང་གིས་རློང་བ་ཡིན།། ཡང་དག་རྫོགས་པས་བཀའ
iiif viewer powered by OpenSeadragon
