| e-texts navigator |
| Wylie |
355a1 མེད།། སྲེའུ་མི་སོས་གྱུར་པ་ན། ཁྱུང་ཆེན་རྩ་བའི་དཀྱིལ་འཁོར་ལ།། སྒྲུབ་པ་དག་ནི་ཡང་ཡང་བྱ།། མ་ཡི་རུམ་ན་གནས་ཙམ་ན།། སྒྲུབ་པའི་ལས་རྣམས་མང་དུ་བྱ།། གནན་དང་བསྲེག་པའི་ལས་ཡང
355a2 བྱ།། དེ་ཀྱང་སོས་པར་མ་གྱུར་ན།། གང་གནོད་པ་ཡི་ལིང་ཁ་དེ།། རྡོ་རྗེ་སློབ་དཔོན་མལ་འོག་གམ།། ཡང་ན་ཆགས་ཀྱི་ནང་དུ་གཞུག། དུས་རྣམས་རྟག་ཏུ་ཏིང་འཛིན་གྱིས།། ཞབས་ཀྱི་འོག་ན་ཡོད་པར
355a3 བསམ།། དེས་ཀྱང་སོས་པར་མ་གྱུར་ན།། གང་ཤི་བ་ཡི་རོ་དེ་ལ།། སྦྱིན་སྲེག་བྱས་ལ་ཆུ་ལ་བསྐུར།། ཡང་ན་རི་གསུམ་རྩེ་ལ་བསྐུལ།། དེ་ལྟར་བྱས་ན་ཐེ་ཚོམ་མེད།། སེར་བ་དག་ནི་བཟློག་པ་ན། ཁྱུང་གི་སྒྲུབ་པ་ཞལ
355a4 ཕྱེ་ལ།། དཀྱིལ་འཁོར་དག་གི་ས་ཚོན་ཡང་།། འོང་བའི་མཚམས་སུ་སྦྲེལ་ལ་བཞག། ཕྱོགས་བཞི་མཚམས་བཞི་དག་ཏུ་ཡང་།། ཕུར་པ་བརྒྱད་ལ་ཁྱུང་བརྒྱད་བསྐྱེད།། འོང་བ་ལྷ་ཡི་དཀྱིལ་འཁོར་དུ།། ཏིང་འཛིན་དག
355a5 གིས་བསྐྱེད་པའོ།། དེ་བཞིན་ཉུངས་ཀར་ལ་སོགས་ཡང་།། སྔགས་རྣམས་བཟླས་ལ་མཐོང་ལ་སྦ།། སྤྲིན་ནམ་རླུང་གི་སྣ་དེ་ལ།། དམིགས་ལ་ཁྱུང་གི་དྲག་སྔགས་ཡང་།། ཉུངས་ཀར་དག་ལ་བཟླས་ལ་བརྡེག། རང
355a6 ཉིད་ཁྱུང་དུ་བསྒོམས་པ་ཡི།། གཤིག་པས་སྤྲིན་རྣམས་གཏོར་བར་བསམ།། མཛུབ་རིས་བྱས་ལ་ཕུ་ཡིས་གདབ།། སྤུ་གྲི་ནག་པོའི་རྒྱུད་ལས། ཕན་བཏགས་པའི་ལེའུ་སྟ་བཅུ་པའོ།། །། སྤུ་གྲི་ནག་པོའི་རྒྱུད་རྫོགས
iiif viewer powered by OpenSeadragon