| e-texts navigator |
| Wylie |
205a1 བའོ།། ཕྱི་དང་ནང་དང་གསང་བ་དང་།། གསང་ཆེན་དང་ནི་གཏེར་དུ་གནས།། སྭ་ནི་ལས་ཀྱི་རིག་པ་སྟེ།། བརྒྱ་དང་ལྔ་བཅུ་སྐབས་དང་སྦྱར།། ལས་མཁན་དང་ནི་བསྒྲུབ་བྱ་བའོ།། བརྒྱ་དང་ལྔ་བཅུ
205a2 སྐབས་དང་སྦྱར།། ཆོལ་བུ་ཀུན་ལས་བཏུས་པ་དང་།། མང་པོ་གཅིག་ཏུ་སྦམ་པ་དང་།། མེ་ཆུ་འགལ་བ་གསོག་པ་དང་།། འུར་བ་གཅིག་ཏུ་དྲིལ་བའོ།། ཡི་གེ་གྲངས་ཀྱི་ངོས་འཛིན་དང་།། ན་ཡ་བརྩི་བ་དག་ཏུ
205a3 གསུངས།། སྐུ་གསུང་ཐུགས་དང་ཡོན་ཏན་དང་།། འཕྲིན་ལས་དག་ནི་སྐབས་ཀྱིས་འཇུག། སྲོག་སྙིང་རིག་པའི་དེ་ཉིད་ལ།། སྙིང་པོ་གཉིས་ཀྱི་རིག་པ་དྲང་།། དམ་ཚིག་རྗེས་དྲན་སྲོག་སྙིང་དང་།། རང་དབང་མེད་པར
205a4 བོད་པ་དང་།། དངས་མ་བསྐྱེད་པའི་སྲོག་སྙིང་དང་།། རྣམ་པར་གཤེས་པའི་སྲོག་སྙིང་ལ།། སྐབས་ཀྱིས་ཡང་དག་ཤེས་བྱ་སྟེ།། སྔགས་ཀྱི་ཚད་མ་གཏན་ལ་དབབ།། བཀའ་ཡི་གསང་རྒྱུད་ཇི་སྙེད་དུ།། གསུངས་པའི
205a5 སྔགས་རྣམས་ཐམས་ཅད་ལ།། འདི་བཞིན་ཀུན་ལ་ཤེས་པར་བྱ།། སྔགས་ཀྱི་གཏན་ཚིག་ཚད་མ་འདི།། ཐབས་ཀྱི་རྒྱལ་པོར་འདི་གནས་སོ།། འདི་དང་ལྡན་པའི་རྣལ་འབྱོར་གང་།། སྔགས་ཀྱི་དངོས་གྲུབ་རང་ལ
205a6 ཤར།། ཡིད་བཞིན་ནོར་བུ་མ་བཙལ་རྙེད།། བྱ་བའི་ལས་ལ་ཐེ་ཚོམ་མེད།། འདི་དང་མི་ལྡན་རྣལ་འབྱོར་གང་།། ཕྱོགས་འགའ་ཙམ་ལ་བསྟེན་པ་སྟེ།། སྔགས་ཀྱི་དེ་ཉིད་མ་རྟོགས་པས།། བྱ་བའི་ལས་རྣམས་ཀུན་ལ
iiif viewer powered by OpenSeadragon
