| e-texts navigator |
| Wylie |
204a1 ནས་རྡུལ་དུ་བརླག་པར་འགྱུར་རོ།། ངན་སོང་དུ་ལྟུང་བར་འགྱུར་རོ།། དམ་ལས་མ་འདའ་ཞིག། ཅེས་རྒྱུད་ཡོངས་སུ་གཏད་དོ།། དྲག་པོ་ངན་སྔགས་ཀྱི་བཤད་རྒུད་ལས། རྒུད་ཡོངས་སུ་གཏད་ཅིང
204a2 འཕྲིན་ལས་ཀྱི་གཉེར་གཏད་པའི་ལེའུ་སྟེ་བརྒྱ་དོན་གསུམ་པའོ།། །། དེ་ནས་བཅོམ་ལྡན་འདས་ཀྱི་དཀོན་མཆོག་གི་བསྟན་པ་སྲུང་བའི་འཕྲིན་ལས་མཐར་ཕྱིན་ནས། ཆོས་ཉིད་མ་བཅོས་པའི་ངང་ལ་བཞུགས
204a3 སོ།། དྲག་པོ་ངན་སྔགས་ཀྱི་བཤད་རྒྱུད་ལས།། རྣམ་རྟོག་ཆོས་ཉིད་དུ་བརླངས་པའི་ལེའུ་སྟེ་བརྒྱ་དོན་བཞི་པའོ།། དྲག་པོ་ངན་སྔགས་ཀྱི་བཤད་རྒྱུད་རྫོགས་སོ།། །། རྒྱ་རྒྱ་རྒྱ། རྒྱ་གར་གྱི་སློབ་དཔོན་ཕུང་བྱེད་ཤན
204a4 ཏིང་གརྦྷ་དང་། བོད་ཀྱི་ལོ་ཙ་བ་ཆེན་པོ་རྡོ་རྗེ་ཐོགས་མེད་རྩལ་གྱིས། བསམ་ཡས་དབུ་ཚལ་གྱི་གླིང་དུ་བསྒྱུར་ཞིང་ཞུས་ཏེ་གཏན་ལ་ཕབ་པ།། །། དེ་ནས་འཕགས་པ་འཇམ་དཔལ་གྱིས། བཅོམ་ལྡན་འདས
204a5 དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ་བདེ་གཤེགས་བཅོམ་ལྡན་འདས།། མ་འོངས་རྣམས་ཀྱི་དོན་ཕྱིར་དུ།། སྔགས་ཀྱི་དེ་ཉིད་བཤད་པར་ཞུ།། ཤེས་གསོལ་པ་དང་། བཅོམ་ལྡན་འདས་ཀྱིས
204a6 བཀའ་སྩལ་པ།། མ་འོངས་རྣམས་ཀྱི་དོན་ཕྱིར་དུ།། སྔགས་དོན་ཞུ་བར་རབ་ཏུ་ལེགས།། སྔགས་ཀྱི་དོན་རྣམས་ངས་བཤད་ཀྱིས།། འགྲོ་ལ་ཕན་ཕྱིར་གུས་པར་ཉོན།། དང་པོ་མིང་གི་རིག་པ་ཡང་།། ཀ་ཙན་རྡོ་རྗེའི་ཡི
iiif viewer powered by OpenSeadragon
