| e-texts navigator |
| Wylie |
203b1 གསུམ།། རཾ། དུག་ཤིང་ཧོ་ལ་བསྲེག་པར་བྱ།། དྲག་པོ་ངན་སྔགས་ཀྱི་བཤད་རྒྱུད་ལས།། བསྲེག་པའི་མཐའ་བརྟུལ་བའི་ལེའུ་སྟེ་བརྒྱ་བདུན་བཅུ་ཟམ་པའོ།། །། དེ་ནས་ཡང་དག་བཤད་བྱ་བ།། འཕང་བ་ལས་ཀྱི
203b2 མཐའ་རྟུལ་ནི།། འཕང་བ་གཉིས་ལ་བཅུ་གཅིག་འགྱུར།། བཤོར་དང་སྐུགས་གཞུག་སྤོགས་པ་གསུམ།། བཟློག་དང་རྣལ་མ་དཀྲུག་པ་གསུམ།། བྷྱོ། རབས་ཆད་ཐོད་ནག་ནང་དུ་གནན།། དྲག་པོ་ངན་སྔགས་ཀྱི
203b3 བཤད་རྒྱུད་ལས།། འཕང་བ་མཐའ་རྟུལ་གྱི་ལེའུ་སྟེ་བརྒྱ་དོན་གཅིག་པའོ།། །། དེ་ནས་ཡང་དག་བཤད་བྱ་བ།། རྗེས་མེད་རླུང་ལྟར་དམོ་བ་ནི།། དམོ་བ་གཉིས་ལ་བཅུ་གཅིག་འགྱུར།། བཤོར་དང་སྐུགས་གཞུག
203b4 སྤོགས་པ་གསུམ།། བཟློག་དང་རྣལ་མ་དཀྲུག་པ་གསུམ།། དྲག་པོ་ངན་སྔགས་ཀྱི་བཤད་རྒྱུད་ལས། རྗེས་མེད་རླུང་ལྟར་དམོ་བའི་ལེའུ་སྟེ་བརྒྱ་དོན་གཉིས་པའོ།། །། དེ་ནས་ཡང་དག་བཤད་བྱ་བ།། བཅོམ
203b5 ལྡན་འདས་འཇམ་དཔལ་གཤིན་རྗེ་གཤེད་པོས་འཇིག་རྟེན་ལས་འདས་པ་དང་འཇིག་རྟེན་པའི་ཚོགས་རྣམས་ལ།། དྲག་པོ་ངན་སྔགས་ཀྱི་བཤད་རྒྱུད་འདི་གཏད་དོ།། འཇིག་རྟེན་ན་མཐུ་ཆེ་བའི་མ་མོ་མཁའ་འགྲོའི
203b6 ཚོགས་རྣམས། གཤིན་རྗེ་དང་། སྡེ་བརྒྱད་དང་། སྒྲོལ་གིང་རྣམས་ལ། དྲག་སྔགས་སྲོག་གི་སྙིང་པོའི་རྗེས་འབྲིངས་ལ་བསྟན་པ་གཉེན་པོ་སྲུངས་ཤིག། བཀའ་བཞིན་དུ་མ་བྱས་ན། སྲོག་གི་སྙིང་པོས་གཤེད་ལ་ཕབ
iiif viewer powered by OpenSeadragon
