| e-texts navigator |
| Wylie |
177b1 བརྟོལ་ནས།། མན་ངག་གཏེར་རྒྱ་རབ་ཕྱེ་ནས།། སྒོ་བཞི་དག་ནི་དབྱེ་བར་བྱ།། མ་མཐོང་རྨོངས་ལ་བསྟན་པ་དང་།། གབ་པ་དག་ནི་གྲོལ་བར་བྱེད།། དྲེགས་པ་ཐམས་ཅད་སྲོག་འཕྲོག་པའི།། ཏིང་ངེ་འཛིན་ལ་སྙོམས
177b2 པར་ཞུགས།། སྲོག་གནས་གཡས་གཡོན་སྲོག་ཕྲོགས་སོ།། དྲག་པོ་ངན་སྔགས་ཀྱི་བཤད་རྒྱུད་ལས། གླེང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས་གནས་ཀྱི་ཁྱད་པར་འདི་གསུངས
177b3 སོ།། དྲག་པོ་ངན་སྔགས་བཟླས་པའི་གནས།། རྣམ་པ་གཉིས་སུ་ཤེས་བྱ་སྟེ།། འཇིག་རྟེན་འདས་དང་འཇིག་རྟེན་པའོ།། འདས་པ་རྣམ་པ་དྲུག་ཡིན་ཏེ།། བཀྲ་ཤིས་ཉམས་དགའ་བྱིན་ཆེ་དང་།། མཚན་དང་ལྡན་པ
177b4 བཞི་རུ་བཤད།། འཇིག་རྟེན་གནས་ནི་རང་རང་རྒྱུད།། གྲགས་པའི་གནས་སུ་བསྒྲུབ་པར་བྱ།། བར་ཆོད་བསལ་བའི་ཆོ་ག་ནི།། རྣམ་པ་གཉིས་སུ་ཤེས་བྱ་སྟེ།། དང་པོའི་ལས་སུ་འབུམ་ལྔ་བྱ།། དེ་རྗེས་སྟོང་ཉིད
177b5 གོམས་པར་སྒོམ།། གཉིས་པའི་ལས་སུ་བྱ་བ་ནི།། རྒྱུད་གཞན་དག་ནས་གྲགས་བཞིན་བྱ།། དེ་ལྟར་ལས་ནི་བྱ་བ་དང་།། ཉམས་ཀྱི་མན་ངག་རང་ལས་འབྱུང་།། དེ་ནས་དྲག་པོ་ངན་སྔགས་སྤྱད།། དྲག་པོ་ངན་སྔགས
177b6 ཀྱི་བཤད་རྒྱུད་ལས། གནས་བསྟན་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཀྱིས་ལྟ་བ་འདི་གསུངས་སོ།། རྒྱུད་དྲུག་མན་ངག་རྗེས་འབྲངས་ནས།། ཆོས་ཉིད་གསལ་བ་གཉིས་སུ་མེད།། བདེ་ཆེན
iiif viewer powered by OpenSeadragon
