| e-texts navigator |
| Wylie |
176b1 སེམས་ཅན་དང་།། གདབ་དང་སྔགས་ཀྱི་ད་ལྟ་དང་།། འཇིག་རྟེན་ཁམས་ཀྱི་རྐུན་མོ་རྣམས།། བཅིངས་ཏེ་རེངས་པར་བྱ་བ་ནི།། ཨ་ཏི་རྦད་ཅེས་བྱ་བས་བརྡེག། དྲག་པོ་ངན་སྔགས་ཀྱི་རྒྱུད་ལས།། གདབ་པའི་ངན
176b2 སྔགས་དང་དུས་བསྟན་པའི་ལེའུ་སྟེ་བརྒྱ་བརྒྱད་པའོ།། །། དེ་ནས་བཅོམ་ལྡན་འདས་འཇམ་དཔལ་གཤིན་རྗེ་གཤེད་པོས། འཇིག་རྟེན་ལས་འདས་པ་དང་། འཇིག་རྟེན་པ་རྣམས་ལ་དྲག་པོ་ངན་སྔགས་ཀྱི་རྒྱུད
176b3 གཏད་དོ།། དེ་ནས་འཁོར་འདུས་པ་ཆེན་པོ་འཇིག་རྟེན་ལས་འདས་པ་རྣམས་དང་། འཇིག་རྟེན་ན་མཐུ་ཆེ་བའི་མ་མོ་དང་། མཁའ་འགྲོ་མའི་ཚོགས་རྣམས་དང་། འཆི་བདག་ལ་སོགས་པའི་གཤིན་རྗེའི་ཚོགས་རྣམས
176b4 དང་། ལྷ་སྲིན་སྡེ་བརྒྱད་ལ་སོགས་པའི་དྲེགས་པ་ཅན་རྣམས་དང་། སྒྲོལ་གིང་ཆེན་པོ་རྣམས་དང་། འཁོར་འདུས་པ་ཆེན་པོ་རྣམས་ཀྱིས་དྲག་སྔགས་སྲོག་གི་སྙིང་པོའི་རྗེས་སུ་འབྲེངས་ལ། དཀོན་མཆོག་གི་བསྟན་པ
176b5 སྲུངས་ཤིག། གལ་ཏེ་ཁྱེད་རྣམས་ཀྱིས་བཀའ་བཞིན་དུ་མ་བྱས་ན། ཁྱེད་རྣམས་ལ་ཡང་སྲོག་གི་སྙིང་པོ་ལ་གཤེད་ལ་ཕབ་པས། རྡུལ་ཕྲན་བཞིན་དུ་བརླག་པར་འགྱུར་རོ།། དེའི་ཕྱིར་རང་སྲོག་རྗེས་སུ་དྲན་པར་གྱིས
176b6 ལ།། དཀོན་མཆོག་གི་བསྟན་པ་གཉེན་པོ་སྲུངས་ཤིག། དེ་སྐད་ཅེས་གསུངས་ནས།། དྲག་པོ་ངན་སྔགས་ཀྱི་རྒྱུད་ཡོངས་སུ། གཏད་ཅིང་འཕྲིན་ལས་ཀྱི་གཉེར་གཏད་དོ།། དྲག་པོ་ངན་སྔགས་ཀྱི་རྒྱུད་ལས། རྒྱུད
iiif viewer powered by OpenSeadragon
