| e-texts navigator |
| Wylie |
247b1 མ་སྐྱེས་མཆོག་གསང་བའི་བདག། རྡོ་རྗེ་འཆང་བ་ལོག་འདྲེན་གཤེད།། གདུག་པ་འདུལ་དཀའ་འདུལ་བ་བོ།། ཉིད་ཀྱི་ཆེ་བ་བཤད་དུ་གསོལ།། ཞེས་ཞུས་པས།། བཅོམ་ལྡན་འདས་ཀྱིས་གསུངས་པ། ང་ནི་ཐབས
247b2 ཀྱི་མཉེན་པ་མཁན།། འཁོར་བའི་ཆུ་བོར་རབ་མེད་ལས།། སྲིད་གསུམ་བསྒྲལ་བར་དམ་བཅས་པ།། ཐར་པ་འདོད་པ་ལམ་འདིར་ཤོག། ང་ནི་གསང་བདག་དཔའ་བོ་སྟེ།། གདུག་པ་ཀླུ་ཡིས་ཟིན་པ་ལ།། ཐར་པར
247b3 འདོད་པ་ལམ་འདིར་ཤོག། ང་ནི་ཡིད་བཞིན་དཔའ་བོ་སྟེ།། གང་ཞིག་གསོད་དང་མི་ལྡན་པ།། ཕུན་སུམ་ཚོགས་འདོད་ལམ་འདིར་ཤོག། ང་ནི་ཉོན་མོངས་ཞི་བྱེད་པ།། བསྒྲལ་བའི་ཞིང་བཅུ་སྒྲོལ་བྱེད་པ།། བསྟན་པ
247b4 བསྲུང་འདོད་ལམ་འདིར་ཤོག། ཅེས་གསུངས་པས། ལག་ན་རྡོ་རྗེ་གནོད་སྦྱིན་གྱིས་འདི་སྐད་ཅེས་གསོལ་ཏོ།། གསང་བདག་རྡོ་རྗེ་གཏུམ་པོ་ཡི།། བསྙེན་པ་བྱ་ན་ཇི་ལྟར་བྱ།། སྔགས་དང་ཕྱག་རྒྱ་ཇི་ལྟར
247b5 ལགས།། ཏིང་འཛིན་ཇི་ལྟར་བསྒོམ་པར་བགྱི།། དེ་ཡིས་འཕྲིན་ལས་མཆོད་པ་དང་།། དབང་དང་དམ་ཚིག་ཇི་ལྟར་བསྟན།། ཞེས་གསོལ་ཏོ།། རྡོ་རྗེ་གཏུམ་པོ་མེ་འོད་འབར་བའི་རྒྱུད་ལས། གླེང་བསླང་བའི་ལེའུ་སྟེ
247b6 གཉིས་པའོ།། དེ་ནས་ཡང་དག་བཤད་བྱ་བ།། བསྙེན་པའི་རིམ་པ་བྱ་བ་ནི།། ཕྱི་ནང་གསང་བའི་དབང་ཐོབ་དེས།། དབེན་ཞིང་དགའ་བའི་ས་ཕྱོགས་དེར།། འདུ་འཛི་སྤངས་ཏེ་བདེ་སྟན་ལ།། སྐད་ཅིག་ལྷ་ཡི་ང
iiif viewer powered by OpenSeadragon
