| e-texts navigator |
| Wylie |
12b1 མཁན་པོ་པདྨ་འབྱུང་གནས་དང་།། བོད་ཀྱི་ལོཙྪ་བ་ཅོག་རོ་ཀླུའི་རྒྱལ་མཚན་གྱིས་གཏན་ལ་ཕབ་པའོ།། རྣལ་འབྱོར་མ་ལིང་ཏོག་སྒོང་ངའི་རྒྱུད་ཅེས་བྱ་བ།། རྒྱུད་ཀྱི་རྒྱལ་པོ་རྫོགས་སོ།། །
12b2 རྒྱ་གར་སྐད་དུ།། ཤྲཱི་དྷ་པི་ཀླ་ལི་སྭ་ན་བ་ཏྲ་ཏན་ཏྲ།། བོད་སྐད་དུ།། དཔལ་ལྷ་མོ་ནག་མོ་གསེར་གྱི་སྦྲམ་བུ་ཞེས་བྱ་བའི་རྒྱུད།། དཔལ་ཕྱག་ན་རྡོ་རྗེ་ཕྱག་འཚལ་ལོ།། རི་རབ་ཆེན་པོའི་བྱང་ཕྱོགས
12b3 སུ།། དཔལ་ལྡན་ཕྱག་ན་རྡོ་རྗེ་ནི། འཁོར་གྱི་ལྷ་སྲིན་དབྱེ་བ་དང་། རབ་ཏུ་འཇིགས་པའི་གནས་ན་བཞུགས།། དེ་ཚེ་འཁོར་གྱི་གཙོ་བོ་ནི། དཔལ་ལྡན་མགོན་པོ་ནག་པོ་སུ། བཅོམ་ལྡན་འདས་ལ་ཕྱག་འཚལ
12b4 ཏེ།། མཆོད་པ་རྒྱ་ཆེན་ཕུལ་བྱས་ནས།། བསྐོར་བ་ལན་གསུམ་བྱས་ནས་སུ།། མདུན་དུ་འདུག་ནས་འདི་སྐད་ཞུས།། ཀྱེ་ཧོ་གསང་བདག་རྡོ་རྗེ་བསྣམས།། བདག་གི་སྲིང་མོ་ནག་མོ་ནི།། དཔལ་ལྡན་ལྷ་མོ་ཞེས་བྱ
12b5 ག། བྱང་ཤར་མཚམས་ཀྱི་ཕ་མཐའ་ན།། གནོད་སྦྱིན་མའི་ཆུང་མ་བྱེད།། དེ་ཡི་སྐྱེ་བརྒྱུད་ཇི་ལྟར་ལགས།། བསྒྲུབ་ཅིང་བསྙེན་པ་བྱ་བ་དང་།། སིདྡྷི་བླང་ཞིང་དགྲ་ལ་རྦད།། བསྟོད་བསྐུལ་ལ་སོགས་ཇི་ལྟར
12b6 ལགས།། གྲུབ་པའི་རྟགས་རྣམས་ཇི་ལྟར་ལགས།། བར་དུ་གཅོད་པའི་དུལ་ཐབས་གང་།། ཟོར་དང་སྤྲིན་སྲེག་མནན་པ་ཅི།། ཐུན་དང་འཁོར་ལོ་བསྐོར་བ་དང་།། འཇིག་རྟེན་སྣང་བྱེད་མིག་མཐོང་གང་།། དྲག་པོ
iiif viewer powered by OpenSeadragon
