| e-texts navigator |
| Wylie |
83b1 སྟོབས་བྱས་ལ།། མཚན་ལྡན་ཐོད་པའི་ནང་དུ་བླུག། རྟགས་བྱུང་གསད་པའི་མཎྜལ་ལ།། དྲག་པོའི་ལས་བརྩམ་རྡུལ་དུ་རློག། རྩ་བ་ལས། ཁྲག་ཐུན་གྱི་ལེའུ་སྟེ་གསུམ་པའོ།། །། ཀྵེ་བཅོམ་ལྡན་འདས།།
83b2 དུག་ཐུན་ཇི་ལྟར་ལགས།། བརྡེག་པའི་ཐབས་ནི་ཇི་ལྟར་ལགས།། བཀའ་སྩལ་པ། མཎྜལ་གོང་དང་འདྲ་བ་ལ། དྲག་པོའི་རྫས་ཀྱི་ནང་དུ་ནི།། དུག་རྣམས་བླུག་ལ་མཎྜལ་ཉིད་དུ་གཞག་པར་བྱ།། དྲག་པོའི་རྫས་ལ
83b3 བཟླས་བྱས་ལ།། དྲག་པོའི་སྣོད་དུ་བླུག་བྱས་ལ།། སྔགས་བདག་བཞི་རུ་གསལ་བྱས་ལ།། དྲག་སྔགས་བཞི་པ་ཞེས་སུ་བྱ།། དུག་ཐུན་གྱི་ལེའུ་སྟེ་བཞི་པའོ།། །། ཡང་གནོད་སྦྱིན་མ་རུ་རྩེས་ཞུས་པ། ཀྱེ་བཅོམ
83b4 ལྡན་འདས། ཕུར་ཐུན་བྱ་བ་ཇི་ལྟར་ལགས།། བརྡེག་པའི་ཐབས་ནི་ཇི་ལྟར་ལགས།། ཞེས་གསོལ་པ་དང་། མཎྜལ་རབས་ཆད་བྱས་པ་ལ། ཁ་ཧི་ར་ཧི་ཤིང་ཕུར་ལ།། སོར་བརྒྱད་གྲངས་ནི་རྩ་རུ་བདུན།། གསུམ་པའི
83b5 མཎྜལ་ལ་བཞག་སྟེ།། དྲག་པོའི་ལས་འདི་ཁྲི་ཚོ་གཅིག། བཟླས་བྱས་བཏབ་པའི་ནང་ནས་སུའོ།། བསྟན་སྐྱོང་མདུན་དུ་གསལ་བྱས་ལ།། དེ་ལྟར་བྱས་འོག་ལིང་ག་བསྲེགས།། གཅེར་བུ་བོང་བུ་ཞོན་མ་ལས།། རྩ
83b6 བའི་དྲག་སྔགས་བདུན་པ་ཕུར་ཐུན་གྱི་ལེའུ་སྟེ་ལྔ་པའོ།། །། ཀྵེ་བཅོམ་ལྡན་འདས། བོད་པ་རྦད་པ་གསད་པ་དང་། སྦྱོར་བའི་སྔགས་རྣམས་ཇི་ལྟར་ལགས།། བཀའ་སྩལ་པ། སྐྱེ་མེད་དོན་གྱི་ཡི་གེ
iiif viewer powered by OpenSeadragon
