| e-texts navigator |
| Wylie |
82a1 འདོད་པ་ཁམས་ཀྱི་མ་མོ་ཤ་ཁྲག་ལ་ལོངས་སྤྱོད་པ་དཔག་ཏུ་མེད་པ་དང་ཐབས་ཅིག་ཏུ་བཞུགས་སོ།། དེའི་དུས་ན་གནོད་སྦྱིན་མ་རུ་རྩེ་ཞེས་བྱ་བ་སྟན་ལས་ལངས་ཏེ། བཅོམ་ལྡན་འདས་ལ་འདི་སྐད
82a2 ཅེས་གསོལ་ཏོ།། ཀྱཻ་བཅོམ་ལྡན་འདས། སྨན་མོའི་ཚོགས་སུ་གྱུར་པ་ཡི།། དབང་བྱེད་གནོད་སྦྱིན་རེ་མ་ཏི།། དང་པོ་རྩ་རྒྱུད་ཇི་ལྟ་བུ།། འཚལ་བའི་སྐལ་པ་གང་ལ་བགྱི།། མཛད་པའི་འཕྲིན་ལས་གང་དུ
82a3 བསྐོས།། ཞེས་གསོལ་བ་དང་། བཅོམ་ལྡན་འདས་ཀྱིས། གནོད་སྦྱིན་མ་རུ་རྩེ་ལ་འདི་སྐད་ཅེས་བཀའ་སྩལ་ཏོ།། ཉོན་ཅིག་གནོད་སྦྱིན་མ་རུ་རྩེ།། སྔོན་བྱུང་འདོད་ཁམས་འདི་ཉིད་ན།། ལྷ་ཡི་དབང་པོ་དེ་ཝ་དང་།། ཨུ
82a4 མ་དེ་ཝ་གཉིས་བཤོས་ལས།། བུ་ཚ་མིང་སྲིད་གཉིས་སྲིད་པས།། མིང་པོ་གཤིན་རྗེ་དམར་པོ་ཡིན།། སྲིན་མོ་དུང་སྐྱོང་མ་གཉིས་སྲིད།། རྣམ་པར་རྒྱལ་བའི་ཁང་བཟང་ན།། ལྷ་བྲན་མང་པོས་བསྐོར་ཏེ་གནས།། དེ
82a5 ནས་ལྷ་མོ་དུང་སྐྱོང་མས།། ལང་ཀ་པུ་རངས་སྲིན་པོ་ཡི།། དྷ་ཤ་གྷི་བའི་བཙུན་མོ་བྱས།། སྲིན་པོའི་ཆུང་མ་བྱས་པ་ལ།། མས་སུ་གདུག་པའི་དམོད་མོ་སྨོས།། ལྷ་ཡི་ལོངས་སྤྱོད་བསམ་མི་ཁྱབ།། བར་ནས་སྲིན་གྱི་ཆུང
82a6 མར་སོང་།། ད་ཡང་སྲིན་དང་རྟ་འགྲོགས་ཤིང་།། མི་ཤ་ཟ་ཞིང་མི་ཁྲག་འཐུང་།། མི་ལྤགས་གྱོན་ཞིང་མི་མགོ་སྤྱོད།། གཅེར་བུར་བྱུང་ནས་བོང་བུ་ཞོན།། ལྷ་ཡི་ཁ་དོག་ཉམས་གྱུར་ལ།། སྲིན་གྱི་ཁ་དོག་ནག་ལ
iiif viewer powered by OpenSeadragon
