| e-texts navigator |
| Wylie |
81b1 གཉིས་པའོ།། །། དེ་ནས་ཐུགས་ཀྱི་དགྱེས་སྡེ་བཞིས་དྲིལ་ནས་འཁོར་དང་བཅས་པས། དཔལ་འཇིགས་བྱེད་ཧེ་རུ་ཀ་ལ་བསྐོར་བ་ལན་དུ་མར་བྱས་ཏེ། རྡོ་རྗེ་ཀ་པཱ་ལ་བྷན་དྷ་འབར་གསང་བའི་རྒྱུད་ལས།
81b2 བདག་ཅག་གི་རིགས་གང་དང་གང་ཡིན་པ་དང་། བཅངས་པ་དང་སྤང་བ་གང་ཡིན་པ་དང་། སིདྡྷི་བླང་བ་དང་། བར་ཆད་བཟློག་པ་དང་། འཇིག་རྟེན་དུ་བཀྲ་ཤིས་པ་དང་། དགྲ་བགེགས་སྒྲོལ་བ་ལ་སོགས་པ་རྣམས
81b3 བཀའ་སྩལ་པ་ངོ་མཚར་ཆེའོ། བདག་ཅག་རྣམས་ཀྱིས་ཀྱང་ཇི་ལྟར་གསུངས་པ་བཞིན་མི་བརྗེད་པར་ཡིད་ལ་བགྱིའོ།། དགེ་བས་བསོད་ནམས་ཚོགས་སུ་བསྔོ་བར་བགྱིའོ།། བཛྲ་ཀ་པཱ་ལ་བྷན་དྷ་ཛ་ལ་གུ་ཧྱ་ཏན་ཏྲ་ལས།།
81b4 རྗེས་སུ་ཡི་རང་བའི་ལེའུ་སྟེ་སོ་གསུམ་པའོ།། །། རྡོ་རྗེ་ཀ་པཱ་ལ་བྷན་དྷ་འབར་བ་གསང་བའི་རྒྱུད་རྫོགས་སོ།། །། @#།། རྒྱ་གར་སྐད་དུ། ཡཀྵི་ཀ་ལི་ཧ་ཙ་ཏི་ཏན་ཏྲ། བོད་སྐད་དུ། གནོད
81b5 སྦྱིན་ནག་མོ་རེ་མ་ཏི་གཅེར་བུ་བོང་ཞོན་མ་རྩ་བའི་རྒྱུད། བཅོམ་ལྡན་འདས་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རི་རབ་རིའི་རྩེ་མོ་ལྷ་དང་། ལྷ
81b6 མ་ཡིན་གཉིས་གཡུལ་འགྱེད་པའི་གནས་ནས་འཁོར་ལྷ་དང་། ལྷ་མ་ཡིན་དང་། གནོད་སྦྱིན་དང་། སྲིན་པོ་དང་། སྣོད་བཅུད་ལ་དབང་བའི་མ་མོ་དྲུག་དང་། ཡེ་ཤེས་ཀྱི་མ་མོ་དང་། སྨན་མོའི་ཚོགས་དང་།
iiif viewer powered by OpenSeadragon
