| e-texts navigator |
| Wylie |
81a1 དབུལ་པོར་འགྱུར་རོ།། མི་བཅང་བར་བྱའོ།། འཇིག་རྟེན་ཕྱི་མ་ལ་ཡང་དོན་མེད། ཧེ་རུ་ཀས་གསུངས་སོ།། མི་བཅང་བར་བྱ་བའི་ལེའུ་སྟེ་སུམ་ཅུ་པའོ།། །། དེ་ནས་ཡང་ཐུགས་ཀྱི་དགྱེས་སྡེ་མོ
81a2 བཞིས་ཞུས་པ། རྫས་ཀྱིས་བསྟན་པ་བསྲུང་བ་ཇི་ལྟར་ལགས། བཀའ་སྩལ་པ། ཡང་ན་དགྲ་བོ་དག་ལ་ངན་ཐབས་བྱེད་ན་ཡང་རུང་སྟེ། དུམ་བུ་དྲུག་པའི་ནང་དག་ཏུ། དགྲ་བོའི་མིང་རུས་ཚར་གསུམ་དང་། ཉུངས་ཀར
81a3 དག་ལ་སྔགས་བཟླས་ཏེ། དགྲ་བོ་དེའི་ཞིང་དཀྱིལ་དུ་སྦས་ན། ཞིང་ལ་ལོ་ཐོག་མི་འབྱུང་སྟེ། ཇེ་ལྟོགས་ཇེ་ལྟོགས་ལ་འགྲོ་སྟེ། མཐར་སྦྲང་པོར་འགྱུར་རོ།། རྫས་ཀྱིས་བསྟན་པ་བསྲུང་བའི་ལེའུ་སྟེ་སོ་གཅིག
81a4 པའོ།། །། ཡང་གསོལ་བ། སངས་རྒྱས་ཀྱི་བསྟན་པའི་རིགས་གང་ཞིག་ལགས། དཔལ་ཆེན་པོས་བཀའ་སྩལ་པ། བུད་མེད་རིགས་ནི་སྨད་འཚོང་མ་གདོལ་བའི་དངོས་ལ་བྱ། གདོལ་བའི་རིགས་ནི། མོན་རྟ་གདོང
81a5 དང་། གློ་བི་དང་། གློ་ཁ་བཀྲའི་རིགས་ལ་སོགས་ཏེ། དེ་རྣམས་ལ་བྱའོ།། དེ་རྣམས་ཀྱི་ཐོད་པ་བཅངས་པའམ་བྲེགས་ན་ནི། བསམ་པ་ཐམས་ཅད་མི་འགྲུབ་སྟེ། མཐར་ཡང་བརླག་པར་འགྱུར་རོ།། ཕྱི་མ་ལ་དོན་མེད།
81a6 བྷ་ག་ཝན་གྱིས་བཀའ་སྩལ་ཏོ།། བྷན་དྷ་ཀ་པཱ་ལ་འབར་བ་གསང་བའི་རྒྱུད་ལས། པྲ་བརྟག་པ་དང་། རིགས་ལྔ་དང་། རིགས་བཟང་པོ་བཅང་བ་བསྟེན་པ་དང་། ངན་པ་རྣམས་སྤང་བར་བསྟན་པའི་ལེའུ་སྟེ་སུམ་ཅུ
iiif viewer powered by OpenSeadragon
