| e-texts navigator |
| Wylie |
79b1 བྱ།། སྲིན་རྗེས་བྱ་བ་ནི། རི་མོ་ཐུང་བ་དང་རིང་ན་སོར་གཅིག་ཙམ། སོར་ཕྱེད་ཙམ། ཟབ་ལ་ཟུག་ཟུག་ཆེ་བ་སྟེ་གདོང་ཅིག་མ་ཡིན་སྟེ། རི་མོ་ཟངས་ལ་ཀྱག་ཀྱོག་ཏུ་འདུག་པ་དེ་ནི་སྲིན་རྗེས་བྱ་བ་ཡིན་ནོ།། སྲིན་ཁུང
79b2 དང་རྩག་རོ་བག་ཙམ་འདྲ། རི་མོའི་འདོན་ནི་མ་ལེགས་པས། རི་མོ་སྤུས་བྲིས་པ་འདྲ་བ་བསམ་གྱིས་མི་ཁྱབ་པ་ཡོད་དེ། ཤེས་པ་ཞིབ་མོས་བརྟགས་ན། རུང་མི་རུང་མཐར་ཕྱིན་ཏེ་འོང་། བསམ་གྱིས་མི་ཁྱབ་པས
79b3 གཟུང་གྱིས་མིང་ལང་ངོ་།། རི་མོའི་དོན་གོང་དུ་བཤད་པ་བཞིན་དུ་ཤེས་པར་བྱའོ།། དེ་ལ་བཀྲ་ཤིས་ཀྱི་རྫས་བརྒྱད་དང་མཆོད་པ་རྣམས་བཟུང་ངོ་།། ཡི་གེའི་འབྲུ་རྣམས་ནི་ཀ་ཁ་སུམ་ཅུ་ལས་བཟུང་ངོ་།། རྩ་དང་རི
79b4 མོས་གང་ལྟར་ཞིབ་མོས་བརྟགས་ན། རུང་མི་རུང་མཐར་ཕྱིན་ཏེ་འོང་ངོ་།། ཞེས་བཀའ་སྩལ་ཏོ།། རྡོ་རྗེ་ཀ་པཱ་ལ་བྷན་དྷ་འབར་བ་གསང་བའི་རྒྱུད་ལས། སྲིན་རྗེས་སྲིན་ཁུང་བསྟན་པའི་ལེའུ་སྟེ་ཉེར་བརྒྱད
79b5 པའོ།། །། དེ་ནས་དགྱེས་སྡེ་མོས་ཞུས་པ། དུམ་བུ་གཅིག་པའི་དོན་ཇི་ལྟར་ལགས། ཞེས་ཞུས་པས། ཧེ་རུ་ཀས་བཀའ་སྩལ་པ། དུམ་བུ་གཅིག་པ་འདི་བྲམ་ཟེའི་རིགས་ཡིན་ཏེ། བྲམ་ཟེ་རྟོག་པ་ཅན་ཡིན་པས།
79b6 བན་དྷ་དེ་བཅངས་ན་སེམས་ཀྱི་རྟོག་པ་དང་བྲལ་ནས། རྟོག་པ་ལ་ཁུ་འཕྲིག་མེད་པར་འགྱུར། རང་ཉིད་དད་པ་ཆེ་བར་འགྱུར། བྲམ་ཟེས་ནི་ཆོས་སྤྱོད་པའི་སྐལ་པ་དང་ལྡན་པར་འགྱུར། དུམ་བུ་གཅིག་པ་དེ་བཅངས
iiif viewer powered by OpenSeadragon
