| e-texts navigator |
| Wylie |
78a1 ཏུ་བཞེད། དུམ་བུ་གསུམ་པ་དམར་ལ་གདང་བར་བཞེད།། དུམ་བུ་བཞི་པ་བྱེའུ་ལྕོག་དང་བྱ་གོ་བོའི་སྒོ་ང་ལྟ་བུ། དུམ་བུ་ལྔ་པ་སྨུག་པར་བཞེད། སྤྱིར་ན་རྣམ་པ་རེ་རེ་ལའང་། མདོག་ནི་རྣམ་པ་རེ་རེའང
78a2 ཡོད། དུམ་བུ་ལྔ་པ་ལ་མདོག་ལྔ་ཡོད་པས། དུམ་བུ་ལྔ་པ་དེ་བཟང་ངོ་བཅང་ངོ་།། དེ་ནི་དུམ་བུའི་གྲངས་དང་རུས་མདོག་སྦྱར་བ་ཡིན་ཏེ། མདོག་ནི་དཀར་བ་དང་། དམར་ལ་འཚོར་བ་དང་། དམར་ལ་གདང་བ་དང་།
78a3 སྨུག་ལ་འཚེར་བ་དང་། སྨུག་ལ་གྲོ་བ་རྣམས་ན་མདོག་ལེགས་པ་ཡིན་ཏེ། མི་སྤོངས་ཏེ་བཅང་བར་བྱའོ།། ཞེས་བཀའ་སྩལ་ཏོ།། བྷན་དྷ་ཀ་པཱ་ལ་འབར་བ་གསང་བའི་རྒྱུད་ལས། དུམ་བུའི་གྲངས་དང་མདོག་བསྟན
78a4 པའི་ལེའུ་སྟེ་ཉེར་དྲུག་པའོ།། །། དེ་ནས་ཡང་ལྷ་མོ་དགྱེས་སྡེ་མོས། ཧེ་རུ་ཀ་ལ་གསོལ་བ། རྡོ་རྗེ་ཀ་པཱ་ལ་མདོག་ལྷག་པར་བརྟགས་པའི་སྐྱོན་ཡོན་གསུང་དུ་གསོལ། ཞེས་ཞུས་པས། ཧེ་རུ་ཀས་བཀའ་སྩལ་པ།
78a5 མདོག་ནི་ལྷག་པར་དཀར་བའང་སྐྱོན་ཡིན་ནོ།། དེ་བས་ལྷག་པར་སེར་བ་དང་། ལྷག་པར་དམར་བ་དང་། ལྷག་པར་སྤྲུག་པ་དང་། ལྷག་པར་གྲོ་བ་དང་། ཁོག་པོར་འདུག་པ་དང་། གནག་པ་དང་། སྐྱ་བོར་འདུག་པ
78a6 དང་། འདི་རྣམས་ནི་མི་བཅང་སྟེ་སྤང་བར་བྱའོ།། ཞེས་བཀའ་སྩལ་ཏོ།། བཛྲ་ཀ་པཱ་ལ་ཛ་ལ་གུ་ཧྱ་ཏན་ཏྲ་ལས། མི་བཅང་སྟེ་སྤང་བར་བྱ་བའི་ལེའུ་སྟེ་ཉེར་བདུན་པའོ།། །། དེ་ནས་ཡང་ལྷ་མོ་དགྱེས་སྡེ་མོ
iiif viewer powered by OpenSeadragon
