| e-texts navigator |
| Wylie |
77b1 ཞོམ་པ། ཕྱི་རོལ་ན་འབར་འབུར་མང་བ། ནང་ན་ཟག་ཟུག་མང་བ། ཁྱོར་འདྲ་བ། བྲམ་ཟེའི་རིགས་ལ་སོགས་ཏེ། མིའི་རིགས་བཅུ་པོ་ཡིན་ཡང་། མི་བཅད་མྱུར་དུ་སྤངས་པར་བྱའོ།། རྡོ་རྗེ་ཀ་པཱ་ལ་བྷན་དྷ་འབར
77b2 བའི་རྒྱུད་ལས། མ་ལེགས་པ་རྣམས་སྤང་བར་བྱ་བའི་ལེའུ་སྟེ་ཉེར་བཞིའོ།། །། དེ་ནས་དགྱེས་སྡེ་ལེགས་མས་ཞུས་པ། ཀ་པཱ་ལ་བྷན་དྷ་གསང་བའི་ལེགས་པའི་དབྱིབས་དང་ཁ་དོག་བཤད་དུ་གསོལ།། ཞེས
77b3 ཞུས་པས། བཀའ་སྩལ་པ། དབྱིབས་ལེགས་པ་ནི། དཔེར་ན་སྒོ་ང་ཕྱེད་ལ་གཤེགས་པ་འདྲ་བ། ཕྱི་ནས་བལྟས་ཀྱང་འབར་འབུར་མེད་པ། ནར་ནས་བལྟས་ན་ཟག་ཟུག་མེད། འཇམ་ལ་མཚན་དང་ལྡན་པ། མར
77b4 དཀར་ལ་མཐེ་བོ་བརྫིས་པ་ལྟ་བུ་འདྲ་བ་བྱས་པ་ནི། ཡིད་བཞིན་གྱི་ནོར་བུ་དངོས་དང་འདྲ་བའོ།། རིགས་བཙུན་པ་དང་ཨ་ཅང་ཆེས་ཏེ། བུད་མེད་གདོལ་བ་ཡིན་ཡང་མི་སྤང་བཅང་བར་བྱའོ།། རྡོ་རྗེ་ཀ་པཱ་ལ་བྷན་དྷ
77b5 འབར་བ་གསང་བའི་རྒྱུད་ལས། དབྱིབས་དང་ཁ་དོག་ལེགས་པར་བརྟགས་ཏེ་མི་སྤང་བར་ལེགས་པར་བརྟགས་ཏེ་བཅང་བར་བྱ་བའི་ལེའུ་སྟེ་ཉེར་ལྔ་པའོ།། །། དེ་ནས་དགྱེས་སྡེ་མོས་ཞུས་པ། བྷན་དྷ་ཀ་པཱ
77b6 ལ་འབར་བའི་རྒྱུད་ལས་མདོག་དང་དུམ་བུའི་རྣམ་གྲངས་ཡོན་ཏན་བསྟན་དུ་གསོལ།། དེ་ནས་ལྕང་ལོའི་མགོ་བོ་ཡི་མདོག་བསྟན་པ་ནི། དུམ་བུ་གཅིག་པ་དུང་གི་མདོག་ཏུ་བཞེད། དུམ་བུ་གཉིས་པ་གསེར་གྱི་མདོག
iiif viewer powered by OpenSeadragon
