| e-texts navigator |
| Wylie |
140a1 བརྒྱད།། བསམས་ནས་དབུས་ཀྱི་ཁྲོད་ལའོ།། རྩང་ཕུར་བཅུ་གསུམ་དག་ལ་ཡང་།། དར་དཀར་བཅུ་གསུམ་དག་གིས་བརྒྱན།། རྩང་ཕུར་བཅོ་བརྒྱད་དག་ལ་ཡང་།། དར་སྣ་རུ་མཚོན་དག་གིས་བརྒྱན།།
140a2 རྩང་ཕུར་ལྔ་བཅུ་དྲུག་ལ་ཡང་།། དར་སེལ་རུ་མཚོན་དེ་བཞིན་ནོ།། སྤྲུལ་པའི་རྩ་ང་ཕུར་བརྒྱད་པོ་ལ།། དར་དམར་རུ་མཚོན་དེ་བཞིན་ནོ།། དེ་ནས་དབུས་སུ་ཕུར་པ་དགོད།། ཧཱུཾ་ལས་མི་འགྱུར་ཐུགས་མཆོག་འབར
140a3 བའི་སྐུར་བསྟན་པ།། མགོ་བོ་རྒྱ་མདུད་ཆོས་སྐུའི་གཞལ་ཡས་ཁང་།། རྐེད་པ་རྒྱ་མདུད་ལོངས་སྐུའི་ཕོ་བྲང་ལ།། རྩེ་མོར་ཟུར་གསུམ་སྦྲུལ་སྐུ་དབང་དུ་འབྱུང་།། རྐེད་པ་རྒྱ་མདུད་ཆུ་སྲིན་ཁ་ནས་བྱུང་།། སྣང་སྲིད་མ་མོ
140a4 རྣམས་ཀྱི་ཕུང་པོ་བྲང་སྟེ།། གྲུ་གསུམ་ཨེའི་གདན་ལ་བཞུགས་སུ་གསོལ།། དཀར་མོ་བཅུ་གསུམ་དབྱིངས་ཀྱི་ཆོ་འཕྲུལ་ཅན།། དམ་སྲིད་བསྒྲལ་ཕྱིར་པདྨའི་གདན་ལ་བཞུགས།། ནག་མོ་བཅོ་བརྒྱད་ཐུགས་ཀྱི་ཆོ
140a5 འཕྲུལ་ཅན།། དམ་སྲིད་གནད་ལ་དབབ་ཕྱིར་བཞུགས་སུ་གསོལ།། ཡོན་ཏན་གཏེར་རྫོགས་ལོངས་སྤྱོད་གཏེར་གྱི་ལྷ།། དམ་སྲི་ཚེ་སྲོག་འབྲལ་ཕྱིར་བཞུགས་སུ་གསོལ།། གར་ཐབས་རྫུ་འཕྲུལ་ཐབས་ཀྱིས་བསྒྱུར
140a6 མཛད་མ། དམ་སྲིང་ཤ་ཁྲག་དཔྲལ་ཕྱིར་བཞུགས་སུ་གསོལ།། དེ་ནས་ཐུགས་ཀྱི་བསྙེན་པ་བྱ།། དེ་ནས་སྐད་ཅིག་དང་པོ་ལ།། མི་རྟོག་པ་ཡི་ངང་ཉིད་ལས།། འོག་གཞི་རླུང་ལ་རཀྟ་སྟེ།། ཀེང་རུས་རི་རབ་མི་དཔུང
iiif viewer powered by OpenSeadragon
