| e-texts navigator |
| Wylie |
138b1 མེ་ཁྱེར་ལྟ་བུར་སྣང་།། ཀུན་གཞི་མེ་ལོང་གཡའ་དག་འདྲ།། ཉོན་མོངས་ཡོད་ནི་སྲིན་བུ་སྟེ།། སྒོ་ལྔ་འོད་ཟེར་ཤར་བ་ཡིས།། དབང་པོའི་ཡུལ་ལ་བརྟེན་ཏེ་འཚར།། ཡུལ་ལྔ་འཇའ་ཚོན་ལྟ་བུ་སྟེ།། སྣང་བ་མ་འགགས
138b2 ཡུལ་ལ་གསལ།། རིག་པ་ཕྱི་ནང་མེད་པར་གསལ། སྐྱེ་མེད་ལྷ་ཡི་སྣང་བ་ཡང་། ཆུ་ཟླའི་དཀྱིལ་འཁོར་ལྟ་བུར་སྣང་། སྣང་སྤྱོད་ཉིད་ན་རྣམ་པར་དག། རང་རིག་རྡོ་རྗེ་ལྟ་བུ་སྟེ། རྒྱུ་མེད་རྐྱེན་གྱིས་མ་སྐྱེས་པས། དང་པོ
138b3 སྐྱེ་བའི་རྒྱུ་མེད་པས། མཐའ་མས་འགག་པའི་རྐྱེན་དང་བྲལ། སྐྱེ་མེད་རྡོ་རྗེ་ངོ་བོས་སྟོང་། སྟོང་ཉིད་མ་བཅོས་དབྱིངས་ཀྱི་ཚུལ། དབྱིངས་ཉིད་མ་འགག་ཡེ་ཤེས་ཏེ། ཡུལ་དང་བྲལ་བས་རང་རིག་སེམས། གསང
138b4 སྔགས་རླབས་ཆེན་འཁྲིག་པ་ཡང་། སེམས་ཀྱི་དཀྱིལ་འཁོར་འོད་པོ་ཅེས།། འོད་ཆེན་སྣང་བ་ངོས་བཟུང་མེད། བརྗོད་པའི་ཐ་སྙད་ཀུན་དང་བྲལ།། བརྗོད་བྲལ་སྟོང་པའི་མཐའ་མི་གནས།། ནོར་བུ་རིན་ཆེན་འབར་པ
138b5 ལྟར། རྟོག་པ་མེད་པར་དགོས་དགུ་ཚང་། ཚོགས་ན་ལྷུན་གྲུབ་དོན་པོ་ཅེ། མ་བསྒྲུབ་ཆེ་བའི་དོན་སོར་གནས། མཐའ་དབུས་བྲལ་བའི་དེ་བཞིན་ཉིད།། ཉམས་སུ་མྱོང་བའི་མཐའ་མི་གནས།། མི་གནས་ཡེ་ཤེས་ཆེན
138b6 པོ་ལ།། ཇི་ལྟར་བསམ་པས་དགོས་དགུ་འཆར།། རྟོག་པའི་རྟེན་ཚིགས་ཚད་མ་དག། རང་རིག་ཡེ་ཤེས་ཚད་མའི་མཆོག། རང་ཉམས་རིག་པ་གདེང་གིས་རྟོགས།། རྟོགས་པས་རང་གི་ངོ་བོས་སྟོང་།། རང་རིག་སྟོང
iiif viewer powered by OpenSeadragon
