| e-texts navigator |
| Wylie |
136b1 ཁྱབ་བྱེད་མདངས་ལྡན་རླུང་ཞེས་བྱ་བ་ཡོད་དེ། རླུང་དེས་སེར་མོ་ལྔ་བཅུ་རྩ་དྲུག་གི་ཆོ་འཕྲུལ་སྣང་བར་བྱེད་དོ།། བཤད་སྒོ་ནས་སྐྱོད་བྱེད་ལས་ཀྱི་རླུང་ཞེས་བྱ་བ་ཡོད་དེ། རླུང་དེས་ཐིག་ལེ་ཐབས་ཀྱི་གཞུང་འདུལ
136b2 བྱེད་དོ།། སྲོག་རྩ་ལ་འཕྱོ་བ་ཡན་ཐུབས་ཀྱི་རླུང་ཞེས་བྱ་བ་ཡོད་དེ། རླུང་དེས་འཕེལ་སྡུད་ཐམས་ཅད་བྱེད་དོ།། དང་པོ་ཞི་བའི་སྤྱོད་པ་སྟེ། གཉིས་པ་དབང་གི་ཡིན་པ་སྟེ། གསུམ་པ་མངོན་སྤྱོད་ཉིད་དུ་བཤད། བཞི་པ
136b3 རྒྱས་པ་ཆེན་པོ་སྟེ། ལྔ་པ་ལྷུན་གྱིས་གྲུབ་པའོ།། དྲུག་པ་རྫུ་འཕྲུལ་ཉིད་དུ་བཤད། དང་པོ་དོན་བཞིའི་དོན་གྱི་སྤྱོད་པའོ།། གཉིས་པ་ཉོན་མོངས་པའི་ཡིད་རྒྱུའོ།། གསུམ་པ་ཡིད་ཀྱི་རྣམ་པར་ཤེས་པ་རྒྱུ་བའོ།། བཞི་པ་སྒོ
136b4 ལྔའི་རྣམ་ཤེས་རྒྱུ་བའོ།། ལྔ་པ་ལ་འདུ་ཤེས་རྒྱུ་བའོ།། དྲུག་པ་ལ་འདུ་བྱེད་རྒྱུ་བའོ།། དེ་ལ་དང་པོ་བྱང་ཆུབ་སེམས་ཀྱི་ཐིག་ལེ་གཡོ། གཉིས་པ་ལ་པདྨ་རཀྟ་གཡོ། གསུམ་པ་ལ་མཾ་ས་གཡོ། བཞི་པ་ནས་དྲི་ཆེན་གཡོ།།
136b5 ལྔ་པ་ནས་དྲི་ཆུ་གཡོ། དྲུག་པ་ནས་གཟུང་འཛིན་གཡོ་བའི། བྱང་ཆུབ་ཀྱི་སེམས་ཀྱི་ཐིག་ལེ་ཞེ་སྡང་འབྱུང་བའི་སྒོ། རཀྟ་འདོད་ཆགས་འབྱུང་བའི་སྒོ། མ་ས་ང་རྒྱལ་འབྱུང་བའི་སྒོ། དྲི་ཆེན་གཏི་མུག་འབྱུང་བའི་སྒོ།
136b6 གུར་ཀུམ་ཕྲག་དོག་འབྱུང་བའི་སྒོ། དྲངས་མ་ལྔ་འདུས་པས་གཟུང་འཛིན་འབྱུང་བའི་སྒོ། ཞེ་སྡང་རང་སར་གྲོལ་བའི་ཆོས་ཉིད་དག་པའི་ཡེ་ཤེས། འདོད་ཆགས་རང་སར་གྲོལ་བས་སོ་སོར་རྟོག་པའི་ཡེ་ཤེས། 8
iiif viewer powered by OpenSeadragon
