| e-texts navigator |
| Wylie |
133b1 བཞིན་གནས།། བྱ་རྩལ་མེད་པའི་སྤྱོད་པ་ཅན།། ཆོས་ཉིད་མི་འགྱུར་ནག་མོའི་ཚོགས།། ཤེས་རབ་རྩལ་ལས་ཤར་བ་མོ།། ལྔ་གཉིས་བརྒྱད་དུ་ལྡན་པ་སྟེ།། ཡེ་ཤེས་སྤྲུལ་པའི་སྤྱོད་པ་ཅན།། ཤུགས་འགྲོ་འབར་བ
133b2 སེར་མོའི་ཚོགས།། བརྩོན་འགྲུས་མཐར་ཕྱིན་ཁྱབ་པ་མོ།། བཅུ་ཚན་ལྔ་དང་དྲུག་ཏུ་ལྡན།། རྫུ་འཕྲུལ་སྤྱོད་པ་མཐར་བྱིན་མ།། ཡོན་ཏན་གཏེར་ལྡན་སྤྲུལ་པ་མོ།། མངོན་སྤྱོད་དང་ལས་ཤར་བ་མོ།། བཞི་གཉིས་ལྡན
133b3 པའི་ཁྱབ་པ་མོ།། བརྟུལ་ཞུགས་ལྡན་པའི་མཛད་པ་ཅན།། དེ་ནས་ཡུལ་འཕྲ་མེན་རྒྱ་མཚོས། གསེར་གྱི་ཉི་མའི་གདན་ལས་བཞེངས་ཏེ། ཡུམ་ཆེན་མོ་ལ་གུས་པའི་ཕྱག་སྦྲུལ་བཞིན་བྱས་ནས།། མིག་མི་ལྡོག་པར
133b4 གཟིགས་ཏེ།། གསེར་གྱི་འཁོར་ལོ་བསྒྱུར་ཅིང་གསང་སྔགས་བསྒྲགས་པའི་དོན་དུ། ཡུམ་ཆེན་མོ་ལ་འདི་སྐད་ཅེས་གསོལ་ཏོ།། ཀུན་ཏུ་བཟང་མོ་བདེ་བའི་ཡུམ།། གནས་པའི་དོན་འདི་ཇི་ལྟར་ལགས།། གཏེར་གྱི
133b5 རང་བཞིན་གང་ལགས་པ།། ཡུམ་ཆེན་ཉིད་ཀྱིས་བཤད་དུ་གསོལ། དེ་ནས་ཡུམ་ཆེན་མོས་ཉི་ཟླའི་གདན་ལ་བཞེངས་ནས། སྤྱན་གསུམ་འཐུར་དུ་གཟིགས་ནས། ལྗགས་པདྨ་དྲིལ་ནས་གསུངས་པ། སྲིད་པ་གསུམ
133b6 གྱི་མངའ་བདག་མོ།། སངས་རྒྱས་ཁྲོས་པའི་རྒྱལ་མོ་ཁྱོད། འགྲོ་བ་ཆགས་པས་ཞེན་པ་ལ།། ཐུགས་རྗེ་ཆེན་པོས་ཞུ་བ་ལེགས། ཁྱོད་ཀྱི་འདོད་པ་འདི་ལྟར་བསྐོར།། གསང་བ་རྩ་དང་ཐིག་ལེ་སྟེ། གཏེར་ནི་རིག་པའི
iiif viewer powered by OpenSeadragon
