| e-texts navigator |
| Wylie |
133a1 ཀུན་རྫོགས་ཡེ་སངས་རྒྱས།། དངོས་པོ་མེད་ཅིང་མཚན་ཉིད་མེད།། སྣ་ཚོགས་ཡུལ་ལས་སྐུར་བྱུང་བ།། དེ་ཉིད་སྐུ་མཆོག་ཕྱག་འཚལ་བསྟོད།། ཡིད་བཞིན་སྐུ་མཆོག་དོན་ལྡན་པས།། བསྒྲུབ་བྱ་མ་མོ
133a2 དབང་འདུས་ཏེ།། ཐེ་ཚོམ་མི་འབྱུང་དོན་གསུངས་པ།། གསུང་རྒྱུད་གཏེར་ལ་ཕྱག་འཚལ་བསྟོད།། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས།། རྒྱུད་ཡོངས་སུ་གཏད་པའི་ལེའུ་སྟེ་སུམ་ཅུ་སོ་དགུ
133a3 པའོ།། །། འཕགས་པ་ལྷ་མོ་ནག་མོའི་རྒྱུད་ཀྱི་རྒྱལ་པོ་གསང་བ་ཤན་པ་ནག་མོ་བསེ་སྡེར་ཞེས་བྱ་བ། མ་མོ་དང་སྲིན་མོ་ཐམས་ཅད་བཀོལ་བའི་མན་ངག་མ་མོའི་རྒྱུད་ཐམས་ཅད་ཀྱི་འགྲེལ་པ་ལས་བྱང
133a4 དུ་ཕྱུང་བ་རྫོགས་སོ།། །། @#།། རྒྱ་གར་སྐད་དུ། གུ་ཧྱ་ག་པི་ཏནྟྲ་ནཱ་མ། བོད་སྐད་དུ། གསང་བའི་གཏེར་གྱི་རྒྱུད་ཅེས་བྱ་བ། ཀུན་ཏུ་བཟང་མོ་ལ་ཕྱག་འཚལ་ལོ།། འདི་སྐད་བདག་གིས་ཐོས
133a5 པའི་དུས་གཅིག་ན། ཀུན་ཏུ་བཟང་མོ་གསང་བའི་ཡུམ།། སྐྱེ་འགག་མེད་པའི་བདག་ཉིད་ཅན།། ཐོག་མ་མེད་པའི་དུས་མཐའ་ནས།། འགྲོ་འོད་མེད་པར་རང་བཞིན་བཞུགས། འཕོ་འགྱུར་མེད་པའི་གནས་མཆོག
133a6 ནི།། ཡང་དོག་མེད་པའི་འོད་གསལ་བ།། ཕྱི་ནང་མེད་པའི་འོད་གསལ་བ།། ཤེས་རབ་སྙིང་རྗེ་ཉི་ཟླར་བཅས།། དག་པའི་དོན་ལྡན་དཀར་པོའི་ཚོགས།། སྙིང་རྗེའི་འོད་ལས་སྤྲུལ་པ་མོ།། ལྔ་གཉིས་གསུམ་དུ་རང
iiif viewer powered by OpenSeadragon
