| e-texts navigator |
| Wylie |
131b1 ཁྱེར་འདི་དག་ཐམས་ཅད་ཀུན།། ཇི་སྲིད་མེ་དཔུང་ནང་དུ་བཞུགས།། འོད་ཟེར་འཕྲོ་ཞིང་འཁྲུག་པའི་ཚུལ།། མ་མོ་རྣམས་ལ་ནང་ལ་ནང་།། འཐབ་དང་བརྩོན་དང་ཚིག་འགྲུབ་སྟེ།། ཇི་སྲིད་གསོད་པའི་ལས་རྣམས
131b2 བྱེད།། དེ་དག་རིམ་པ་བཤད་བྱ་སྟེ།། རིམ་པ་དང་པོ་འདི་རིམ་བཞིན།། སྔགས་ཀྱི་འཁོར་ལོས་སྐུལ་བར་བྱེད།། བསམ་གཏན་འཁོར་ལོས་སྒྲུབ་པར་བྱེད།། རྫས་ཀྱི་འཁོར་ལོས་དཀྲུག་པར་བྱེད།། དེས་ནི་མཱ་ར་ལ
131b3 གདོན་མི་ཟ།། དེ་ལྟ་བུའི་ལས་རྣམས་གྲུབ་པ་དང་།། ཇི་སྲིད་འཁོར་ལོ་ཆེན་པོ་དང་།། རབས་ཆད་ཐོད་པ་ཁ་སྦྱར་དུ།། འཁོར་ལོ་བཅུག་ལ་ཁ་བཅད་དོ།། དེ་ནས་དུར་ཁྲོད་ཆེན་པོ་རུ།། མ་ཡེངས་དཀྲུག་བསྐོར་བྱས
131b4 གྱུར་ན།། ལས་འདི་འགྲུབ་འགྱུར་གདོན་མི་ཟ།། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས།། འཁོར་ལོ་བསྒྲུབ་ཅིང་གསད་པའི་ལེའུ་སྟེ་སུམ་ཅུ་སོ་དྲུག་པའོ།། །། དེ་ནས་ཡང་དག་བཤད་བྱ
131b5 །། ཇི་སྲིད་འཁོར་ལོའི་སྦྱོར་བ་ནི།། རབ་ཏུ་དྲག་པོའི་བྲི་བར་བྱ།། སྲོག་གི་འཁོར་ལོ་ཞེས་གསུངས་པ།། མེ་ཡི་འཁོར་ལོ་ཉིད་ཡིན་ཏེ།། ལྷ་མོ་མགྲིན་པའམ་བྷ་གར་གསད།། དེར་ནི་འཁོར་ལོའི་རྩིབས་བརྒྱད
131b6 པ།། རཾ་དང་རཾ་སྐྱེས་དབྱིབས་ཅན་ནི།། མེ་གསུམ་འདུས་པའི་དཀྱིལ་དུ་གསད།། གནས་ནི་སྙིང་ནང་སྲོག་རྩ་རྒྱུད།། ཡཾ་གིས་བུས་ལ་རཾ་གྱིས་བསྲེག། འཁོར་ལོ་བསྒྲུབ་དང་བཅས་པ་དེ།། དུག་ཤིང་མེ་སྦར་སྲེག་པར
iiif viewer powered by OpenSeadragon
